Lleopoldu de Hohenzollern

De Uiquipedia
Saltar a: navegación, buscar
Lleopoldu de Hohenzollern-Sigmaringen, semeya col traxe de gala


Lleopoldu de Hohenzollern-Sigmaringen (nome completu n'alemán: Leopold Stefan Karl Anton Gustav Eduard Tassilo von Hohenzollern-Sigmaringen) (Kranchewies, 22 de setiembre de 1832-Berlín, 8 de xunu de 1905) foi un noble prusián, fíu del príncipe Carllos Antón de Hohenzollern-Sigmaringen y Xosefina de Baden; de relixón católica, en 1861 casó cola infanta Antonia de Portugal, fía de María II de Portugal y del so consorte Fernandu II. Tuvieron los siguientes fíos:

  • Príncipe Guillermu (1864-1927), asocediólu como Príncipe de Hohenzollern.
  • Príncipe Fernandu (1865-1927), llueu rei de Rumanía.
  • Príncipe Carllos Antón (1868-1918).


Foi propuestu pa ocupar el tronu español tres la espulsión de Sabela II d'España en 1868. La so candidatura, sofitada por Bismarck, causó'l refugu francés y provocó en 1870 la guerra franco-prusiana. El so nome, perdifícil de dicir pola xente n'aquella dómina, foi camudáu por Oleole Simeligen (sacada de la fras burllona: "¡Olé, olé, si me eligen!", n'asturianu: ¡Olé, olé, si m'elixen!). Al final foi elixíu como monarca español Amadéu de Saboya. Lleopoldu sedría'l pá del futuru Fernandu I de Rumanía qu'asocedería al so tíu Carllos, l'hermanu de Lleopoldu, nesti mesmu cargu.