Lewis Hamilton

De Uiquipedia
Saltar a: navegación, buscar
Pa otros usos d'esti términu ver Hamilton.
Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)


Lewis Hamilton
Lewis Hamilton
Nacionalidá Británicu Flag of the United Kingdom.svg
Auto # 2
Equipu Vodafone McLaren Mercedes
Carreres aniciaes 16
Campeonatos mundiales 1 (2008)
Victories 4
Podios 12
Pole positions 6
Vueltes rápides 1 (10%)
Primer Gran Premiu Gran premiu d'Australia de 2007
Primera victoria Gran premiu de Canadá de 2007
Posición en 2007 Ver clasificación 2007 - (Ver otros años)
Autualización ficha 8 d'ochobre 2007

Lewis Carl Davidson Hamilton (n. 7 de xineru de 1985 en Stevenage, Hertfordshire, Reinu Xuníu) ye un pilotu d'automovilismu. Fiu de madre británica y padre granadin (de la Islla de Granada, situada nel mar del Caribe).

Hamilton debutó en karts a la edá de 8 años. Depués de ganar dellos campeonatos, firmó un contratu col equipo de Fórmula 1 McLaren cuando contaba con 12 años. Depués corrió na Fórmula Renault británica. En 2004 entró na Fórmula 3 Euroseries, llegando hasta la GP2 Series en 2006, col equipu ART.[1] Dende 2007 ye pilotu oficial de la escudería McLaren; compartiendo equipu con Heikki Kovalainen, Pedro Martínez de la Rosa y Gary Paffett actualmente.

En 2007, nel so primer añu na categoría, algamó'l socampeonatu, quedando a namás un puntu del campeón Kimi Räikkönen, y por delante del so compañeru d'equipu Fernando Alonso que foi terceru. Proclamose Campeón Mundial de Fórmula 1 en 2008, convirtiendose nel campeón más mozu n'algamar el títulu. Na so corta carrera na Fórmula 1 convirtiose n'un de los pilotos más célebres y almiraos de la actualidá.[2][3]

Carrera[editar | editar la fonte]

Karting[editar | editar la fonte]

Hamilton entamó a correr en karts cuando tenía 8 años. El so primer campeonatu llegó dos años depués, en 1995. Nun foi hasta 1997 cuando firmó un contratu con McLaren, equipu de Fórmula 1. Nel añu 2000 coronose campeón européu de karts.

Fórmula Renault[editar | editar la fonte]

L'añu 2001 supuso pa Hamilton la entrada a la Fórmula Renault del Reinu Xuníu, quedando quintu na clasificación final. La temporada siguiente algamó'l tercer puestu (3 victories, 3 vueltes rápides y 3 poles)

En 2003, Lewis dominó les series y estableció un record del campeonatu con 10 victories, 9 vueltes rápides y 11 pole positions. Ganó'l campeonatu dos pruebes enantes d'acabar.

Fórmula 3 Euroseries[editar | editar la fonte]

En 2004, Hamilton corrió na la competitiva Fórmula 3 Euroseries, que comparte cartel col campeonatu alemán de turismos (DTM). Corriendo pa Manor Motorsport, un equipo debutante n'Europa, Lewis acabó quintu, algamando una victoria en Norisring y 4 podios más nel so añu de debut.

En 2005, el británicu ganó'l campeonatu de Fórmula 3 Euroseries corriendo pa'l equipu ASM. El so palmarés esi año foi increíble: 15 victories, 10 vueltes rápides y 13 pole positions. Proclámose campeón 4 carreres primero d'acabar el campeonato.

GP2 Series[editar | editar la fonte]

En 2006, xuniose al equipu ART Grand Prix de GP2 Series reemplazando al campeón de 2005, Nico Rosberg, que pasó a pilotar pa la escudería Williams de Fórmula 1. La so eficiencia na GP2 Series foi impresionante debido a la so gran calidá nel Gran Premiu d'Europa, ganó les dos carreres, siendo'l segundu pilotu (tres Nico Rosberg) en facelo y ganó en Mónaco saliendo dende la pole. En Silverstone, Lewis superose y consiguió'l so segundu doblete, convirtiéndose asina nell primer pilotu de la hestoria de la GP2 en logralo. Lewis convirtiose en campeón de GP2 y tres d'ello foi nomáu un de los pilotos oficiales de la escudería McLaren xunto con Fernando Alonso pa'l añu 2007.

Saltu a la Fórmula 1[editar | editar la fonte]

2007[editar | editar la fonte]

El 24 de payares de 2006 salta la noticia de que Hamilton sedrá'l segundu pilotu de color en montase a un monoplaza (depués de Narain Karthikeyan). Fernando Alonso sedrá'l so compañeru y Pedro Martínez de la Rosa, el pilotu de prebes. Nel Gran Premio de Australia, algamaría un meritoriu tercer puestu, por detrás de Kimi Räikkönen y Alonso, siendo el primer pilotu en llegar al podiu nel so debut desque Jacques Villeneuve lo ficiera nel Gran Premiu d'Australia de 1996. Nes dos siguientes carreres finaliza segundu, siendo el primer pilotu de la hestoria en consiguir tres podios consecutivos depués del so debut. Nel Gran Premiu d'España, en Montmeló, finaliza na 2º posición poniédose primeru nel mundial de pilotos. Nel Gran Premio de Canadá, Hamilton algamó la so primera pole position, impresionando nuevamente al mundu de la F1. [[Imagen:Hamilton + Alonso 2007 Canada.jpg|thumb|right|Lewis xunto con Fernando Alonso nel Gran Premiu de Canadá, que foi la so primera victoria na F1]] El domingu siguiente, 10 de xunu de 2007, saliendo dende la pole position y nuna carrera mui acidentada, onde apareció'l coche de seguridá hasta en cuatro ocasiones, nel Circuito Gilles Villeneuve, algama la so primera victoria na Fórmula 1. Nel Gran Premiu de los Estados Xuníos de 2007 la disputa ente los dos pilotos de McLaren acentuose más, ya que Lewis Hamilton, logrando la pole position, resultó ganador tres d'una costante llucha con Alonso; algamando'l so octavu podiu consecutivu nel Gran Premiu de Francia. Por embargu, nel Gran Premiu del Reinu Xuníu, a pesar de partir dende la pole, quedó terceru, por detrás Kimi Räikkönen y Fernando Alonso. [[Imagen:Lewis Hamilton 2007.jpg|thumb|right|Lewis durante la disputa del Gran Premiu de Malasia de 2007]] Durante la tercera sesión de clasificación del Gran Premiu d'Europa de 2007 sufrió una violenta salida de pista al españar el neumáticu delanteru derechu por mor d'una tuerca mal apretada. El so MP4-22 chocó a gran velocidá escontra les proteiciones del circuitu, y Lewis sufrió un shock pol güelpe. Por embargo, nun tuvo nenguna lesión importante, polo que pudo correr el domingu, partiendo dende la décima posición na parrilla de salida. Pese a remontar dende la cabera plaza a la que quedara relegáu, namás pudo ser novenu, polo que quedó ensin puntuar. D'esta forma, Fernando Alonso recortó-y diez puntos na clasificación xeneral del Campeonatu Mundial de Pilotos, situándose namás a dos puntos.

Demientres el Gran Premiu de Turquía de 2007, Lewis Hamilton sufrió un españíu nel so neumáticu derechu delanteru mientres marchaba terceru. Depués del reventón tuvo una salida de pista, anque logró volver a ella hasta llegar a la cai de boxes pa camudar les ruedae. Logró llegar quintu la carrera, mientres que'l so compañero d'equipu Fernando Alonso aprovechó esta situación y acabó terceru la carrera, recortando d'esta manera 2 puntos al pilotu inglés nel Campeonatu Mundial de Pilotos.

Demientres el Gran Premiu de China, Hamilton saliose na entrada a boxes y quedose na grava, teniendo qu'abandonar la carrera cuando taba en disposición de proclamase campeón del mundu.

Nel Gran Premiu de Brasil de 2007 entamó la carrera en segunda posición, pero yá nes primeres curves foi adelantáu por Kimi Räikkönen y Fernando Alonso. Depués d'una salida de pista en la primera vuelta y problemes momentáneos na caxa cambios, llegó a baxar hasta la decimoctava posición, magar pudo acabar la carrera en séptima posición. De toes formes, perdió'l lideratu na cabera carrera del campeonatu en favor de Räikkönen, quien se coronaría asina campeón de la temporada 2007 de Fórmula 1.

Depués de la carrera, abriose una investigación de la FIA nos monoplaces de los equipos BMW Sauber y Williams-Toyota, por una presunta anomalía na temperatura del carburante. La posible descalificación de los pilotos d'ambos equipos valdría pa da-y a Hamilton la cuarta posición, dando-y asina el campeonatu del mundu. Por embargu, los comisarios decidieron finalmente nun sancionar a les escuderíes, lo que dexó a Hamilton na séptima posición.[4] Depués de facese pública la decisión, la escudería McLaren-Mercedes anunció qu'apelaría. Por embargu, el 16 de noviembre, la FIA decidió que Räikkönen mantendría el títulu, al desestimase'l recursu de la escudería angloxermana.[5]

El 19 de xineru de 2008 renueva con McLaren-Mercedes hasta 2012.

Referencies[editar | editar la fonte]

  1. Profile > Career Páxina oficial de Lewis Hamilton Revisáu 6 de setiembre de 2006
  2. Hakkinen - Hamilton podría ser el meyor de la so era, en GPUpdate.net.
  3. Schumacher impresionáu por Hamilton, en GPUpdate.net.
  4. McLaren apelará la decisión de los comisarios, en TheF1.com.
  5. Räikkönen gana tamién el mundial nos tribunales, en ElPaís.com.