Leprechaun

De Uiquipedia
Saltar a: navegación, buscar
Dibuxu d'un Leprechaun

Un leprechaun na mitoloxía celta ye un tipu de Trasgu (mitoloxía) llariegu de la islla d'Irlanda o Éire en gaélicu, esti ser habitaba na islla enantes de la llegada de los Celtes. Como otres races mitolóxiques de la tradición irlandesa, los leprechauns son criatures de la natura y lo espiritual.

Contestu[editar | editar la fonte]

Lo mesmo que les fades del folclor irlandés pasen la mayor parte del tiempu faciendo zapatos, nun ye nengún secretu que los leprechauns dediquense a xixilar los sos calderos d'oru y otres ayalgues enterraes.

Cunta la lleenda que los homes puén compartir estes ayalgues, pero sólu si son abondo llistos como p'algamar a un leprechaun y forzarlu a entregai les sos alyalgues a cambéu de la llibertá. Nun ye fácil, yá que estos diminutos homes (toos son machos) son estremadamente llistos y suelen alcontrar la manera de tracamundiar los planes de los homes.

Aspeutu[editar | editar la fonte]

Les imáxenes modernes de los leprechauns, especialmente les que se ven cuando ta cerca'l día de San Patriciu, suelen amosar un home piquiñin vestiu de verde. Anque sigún cunta la tradición, yera posible velos vestios con chaqueta roxa de rellumantes botones platiaos, calzos azules o marrones, zapatos grandes con hebilles grueses de plata y sombreru de copa alta.

So altor varía ente los quince centímetros y daqué más de mediu metru, y puén tener cara de trastu y tamién ser melgueros. Munchos tienen barba y fumen en pipa. Cuando tienen xera, usen un mandil de cueru de zapateru y un pequeñu martiello col que fabriquen o arreglen pequeños zapatos de talla de fada.

Cunten que los leprechaun nun traten a les sos collacies fades muncho meyor que a los homes, yá que sólu yos faen un zapatu, enxamás el par completu.

Etimolóxicamente[editar | editar la fonte]

El nome "leprechaun" provien de la pallabra irlandesa leipreachán; anque munchos estudiosos camienten que la pallabra leprechaun provien del gaélicu leith bhrogan ello quier dicir "el que fai un zapatu". Quiciás la incapacidá de los leprechaun de facer un par completu de zapatos ye cenciellamente un puru descuidu, dacuando tan un pocu achispaos de tantu chumar sidre o cerveza.

Personaxes asemeyaos[editar | editar la fonte]

N'Asturies hai un personax rellacionao col leprechaun, ye'l Trasgu un duende llariegu que fai tracamundios poles cases. Representase como un home piquiñin y coxu de la pierna drecha, cola piel morena, vestiu de roxu con una montera picona collorada, tien un furacu na man esquierda. Notros llugares d'Europa tamién ye conociu como gnomo, silfo o kobold ente otros nomes.