Jesús Sanz Montes

De Uiquipedia
Saltar a: navegación, buscar
Jesús Sanz Montes.

Jesús Sanz Montes (Madrid, 18 de xineru de 1955) ye l'actual Arzobispu d'Uviéu y Alministrador Apostólicu de les Diócesis de Huesca y de Jaca. Tamién ye'l Presidente de la Comisión Episcopal Española pa la Vida Consagrada y Comisariu Pontificiu de la Unión Lumen Dei según el nomamientu de 20 de mayu de 2009.

Fizo los estudios de Teoloxía y Filosofía en Toledo, anque primero trabayó nun bancu. En 1981 ingresa nos Franciscanos de la observancia, Provincia de San Gregorio Magno de Castilla, faciendo la profesión temporal el 11 de setiembre de 1982 en Arenas de San Pedro (Ávila) y la profesión solemne el 14 de setiembre de 1985 en Toledo. Foi ordenáu sacerdote en 1986, añu nel que tamién foi nomáu Rector del Seminariu Franciscanu d'Ávila. El 23 d'ochobre de 2003 foi designáu pola Santa Sede como obispu de Huesca y Jaca[1], recibiendo la ordenación episcopal el 14 d'avientu d'esi añu.

El Vaticanu fizo públicu'l nomamientu pol papa Benitu XVI del nuevu Arzobispu Metropolitanu d'Uviéu el 21 de payares de 2009[2].

No tocante a les actividaes académiques, foi profesor d'Espiritualidá medieval, profesor de l'Asociación Hispánica d'Estudios, miembru del Conseyu de Redación –edición española- de "Communio" Revista Católica Internacional; profesor en la Facultá de Teoloxía San Dámaso, de Madrid y profesor nel Pontificiu Atenéu Antonianum, de Roma.

Lema Episcopal[editar | editar la fonte]

El so lema episcopal ye Christus Omnia in Omnibus, n'asturianu Cristo lo ye too, tomáu de la Epistola a los Colosenses capítulu 3 versículu 11[3]

Referencies[editar | editar la fonte]

  1. Nomamientu como Obispo de Huesca y de Jaca (Boletín de la Santa Sede, 23 d'ochobre de 2003).
  2. DELL’ARCIVESCOVO METROPOLITA DI OVIEDO (SPAGNA) Nomamientu como Arzobispu Metropolitanu d'Uviéu (Boletín de la Santa Sede, 21 de payares de 2009).
  3. Colosenses 3,11 (n'español)


Predecesor:
Javier Osés Flamarique
Bishopcoa.png
Obispu de Huesca
2003-2009
Socesor:
Julián Ruiz Martorell
Predecesor:
José María Conget Arizaleta
Bishopcoa.png
Obispu de Jaca
2003-2009
Socesor:
Julián Ruiz Martorell
Predecesor:
Carlos Osoro Sierra
Arcbishoppallium.png
Arzobispu d'Uviéu
2009-
Socesor:
nel cargu
Predecesor:
Fernando Sebastián Aguilar
Comisariu Pontificiu de la Unión Lumen Dei
2009-
Socesor:
nel cargu