Islla del Cabu Bretón
| Islla del Cabu Bretón | |
|---|---|
| Unama'ki (mic) | |
 | |
| Situación | |
| País |  Canadá |
| Provincia |  Nueva Escocia |
| Tipu | islla |
| Asitiáu en | Océanu Atlánticu |
| Coordenaes | 46°17′42″N 60°40′12″W / 46.295°N 60.67°O |
  Islla del Cabu Bretón Islla del Cabu Bretón (Canadá) | |
| Datos | |
| Altitú media | 532 m |
| Puntu más altu |
White Hill (en)  |
| Superficie | 10 311 km² |
| Población | 132 010 (2016) |
| Fusu horariu | UTC−04:00 |
| Llonxitú | 180 km |
 | |
La islla del Cabu Bretón, n'inglés Cape Breton Island, en francés Île du Cap-Breton (enantes Île Royale), n'escocés: Eilean Cheap Breatainn, na llingua de los Micmac: Únamakika, ye una islla nel Océanu Atlánticu na costa d'América del Norte. El so nome vien de la rexón francesa de la Bretaña.
La islla del Cabu Bretón pertenez a la provincia de Nueva Escocia (Canadá). Magar ta separtada dafechu de la península de Nueva Escocia pel Estrechu de Canso, ta coneutada artificialmente por un autopista, Canso Causeway. Ta allugada al este del continente, mirando la so costa norte y oeste al Golfu de San Llorienzu. Tien ún de los llagos salaos más grandes del mundu, el Bras d'Or (del francés "Brazu d'Oru"), que domina'l centru la islla.
La so población total según el censu canadián de 2001 yera de 147.454 "Cape Bretoners"; aproximadamente'l 16% de la población total de la provincia de Nueva Escocia.
La islla abelluga cinco reserves indies de la Nación Micmac: Escasoni, Membertu, Wagmatcuc, Waycobah y Potlotec. La Escasoni ye la más grande en tamañu y miembros.
Historia
[editar | editar la fonte]Los primeros habitantes de la islla fueron los ancestros de los Micmac. Llueu aportaríen los portugueses de la mano de João Álvares Fagundes del 1521 al 1570. En 1713 los franceses funden el Fort Sainte Anne y permaneceríen ellí hasta la firma del Tratáu de Paris de 1763 cuando la islla pasa a manes britániques.
Cola llegada de los primeros colonos escoceses nel 1775 de la mano de Michael Mor MacDonald la islla algamaría'l so aspeutu cutural definitivu.
Na primera metá del sieglu XIX, la islla recibió la llegada de numberosos escoceses de les Tierres Altes, alrodiu de los 50.000. Como resultáu, la cultura de les Tierres Altes d'Escocia domina l'heriedu cultural de la islla del Cabu Bretón. Inda güei, el gaélicu escocés ye la llingua materna de muncha de la población más vieyo.
Ver tamién
[editar | editar la fonte]Referencies
[editar | editar la fonte]- Counties of Nova Scotia; Statistics Canada
- Sea islands: Natural Resources Canada Atlas of Canada Archiváu 2013-01-22 en Wayback Machine
- Cape Breton County and its divisions, Nova Scotia; Statistics Canada
- Cape Breton Wireless Heritage Society
- Province of Cape Breton Island Archiváu 2008-02-18 en Wayback Machine
Enllaces esternos
[editar | editar la fonte]
Wikimedia Commons acueye conteníu multimedia sobre Islla del Cabu Bretón.
Datos: Q188489- Multimedia: Cape Breton Island