Hixiniu

San Hixín
Nome	Hyginos
Data de nacencia	nun se conoz
Llugar de nacencia	Atenes
Aniciu del papáu	136
Fin del papáu	140
Predecesor	Telésforu
Socesor	Píu I

San Hixín (Atenes, Grecia, ? - Roma, 140) foi elixíu obispu de Roma nel 136 y morrió nel 140.

Yera un filósofu qu'ingresare na comunidá cristiana y fore ganando'l respeutu de la xente fasta convertise n'obispu de Roma.

Instauró los padrinos nel bautismu los recién nacíos pa guialos pela vida cristiana y decretó la consagración de les ilesies. Tamién definió la xerarquía eclesiástica y ordenó que toles ilesies foren consagraes por capellanes enantes de facer la primer misa.

Tevo que s'enfrentar coles doctrines gnóstiques espardíes por Marción, Valentín o Cerdón, sobre la conexón ente cristianismu y xudaísmu.

Sigún la tradición morrió martirizáu nes persecuciones de cristianos, pero nun hai evidencia dala. La so festividá celébrase l'11 de xineru.

Predecesor: Telésforu

136-140

Socesor: Píu I