Greenpeace

De Wikipedia
Greenpeace
organización no gubernamental internacional (es) Traducir
Llocalización
Sede Ámsterdam
Forma xurídica fundación
Historia
Fundación1971
Fundador Irving Stowe
Dorothy Stowe
Jim Bohlen
Paul Côté
Robert Hunter (es) Traducir
Ben Metcalfe
Participación empresarial
Filiales
Propietariu de
Datos económicos
Emplegaos 5898 (2021)
Ingresos totales 410 000 000 € (2020)
Varios
Premios
Web oficial
Cambiar los datos en Wikidata

Greenpeace (del inglés green: verde, y peace: paz), fundada en Canadá en 1971, ye una organización ecoloxista internacional, dixebrada económica y políticamente, que nun aceuta donaciones nin presiones de gobiernos, partíos políticos o empreses, y que s'autofinancia poles aportaciones de los socios y donantes (95% de los sos fondos), asina como al traviés de la venta de productos col nome de Greenpeace.

Según cifres de Greenpeace, el númberu de los sos socios en tol mundiu en 2005 yera de trés millones.

L'oxetivu de la organización ye protexer y defender el mediu ambiente, interviniendo n'estremaos puntos del planeta onde se cometen atentaos escontra la Naturaleza. Greenpeace lleva a cau campañes p'aparar el cambiu climáticu, protexer la biodiversidá, a la escontra de los tresxénicos, escontra la contaminación, pa finar col usu de la enerxía nuclear y de les armes y fomentar la paz.

Con una oficina principal n'Ámsterdam, trabaya n'estrecha collaboración coles 38 seiciones nacionales, amás de colos estremaos barcos que posee, el más conocíu d'ellos quicias el Rainbow Warrior. La toma de dicisiones faese teniendo en cuenta la mayoría de seutores que conformen la so cadarma interna, intentado que naide puea tomar dicisiones unilaterales non alcordies cola mayoría de los miembros representativos.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]