Genesis

De Uiquipedia
Saltar a: navegación, buscar
Genesis
2180 - Pittsburgh - Mellon Arena - Genesis - The Carpet Crawlers.JPG
Nome {{{Nome_de_nacimientu}}}
Nomatu {{{Nomatu}}}
Nació {{{Nacimientu}}}
Morrió {{{Muerte}}}
Información musical
Orixe Godalming, Surrey, Reinu Xuníu
Xéneru Rock progresivu, Art rock, Pop rock
Ocupación {{{Ocupación}}}
Instrumentos {{{Instrumentu}}}
Actividá 1967 - 1999; 2007 -
Discográfiques Decca, Charisma, Philips, Vertigo, Virgin, Atlantic (EE.XX.)
Rellacionáu con {{{Artistes_rellacionaos}}}
Páxina web
Miembros
Mike Rutherford, Phil Collins, Tony Banks (última xira)

Genesis ye un un famosu grupu británicu de rock progresivu formáu en 1967 en Godalming, Surrey.

Hestoria[editar | editar la fonte]

Genesis primeramente taba integráu pol cantante Peter Gabriel, el baxista Mike Rutherford, el guitarrista Anthony Phillips, el teclista Tony Banks y el batería Chris Stewart. El nome de la banda, dáu por Jonathan King (manager y productor), alude al Xénesis (primer llibru del Vieyu Testamentu). Les sos composiciones d'esi períodu inicial, d'estilu pop sicodélicu, fueron llanzaes nun álbum debú From Genesis to Revelation (del Xénesis al Apocalipsis) en 1969, gracies a un contratu que King consígue-yos cola compañía Decca; sicasí Stewart vase mientres la grabación y nun toca en toes les temes del discu, polo cual tuvo de ser completáu pol percusionista John Silver, quien finalmente tamién foise. Per otra parte, les vientes del álbum fueron escases, y los miembros del grupu consideraron que'l productor King nun-yos traxo nengún beneficiu, polo cual deciden abandonalo.

Por aquél entós contacten al dueñu del sellu discográficu Charisma, Tony Stratton-Smith, quien taba interesáu nel soníu y estética del grupu, sellu col que roblen contratu y graben el so segundu álbum, Trespass (1970), con John Mayhew a la batería. Termináu'l discu, Anthony Phillips decide abandonar el grupu por mieu escénico, que-y torgaba cumplir coles obligaciones de músicu nes xires que realizaben. Con él foise tamién John Mayhew.

Al traviés d'un anunciu na revista Melody Maker contacten a Phil Collins (batería) y Steve Hackett (guitarra) en 1970, quien resultaron ser los reemplazantes ideales, conformando asina l'alliniación clásica del grupu, que duraría hasta 1975, cuando'l cantante Peter Gabriel foise de la banda pa empezar la so carrera solo. D'esta dómina son los sos discos más renombraos, como Selling England by the Pound o The Lamb Lies Down on Broadway, ente otros, que-yos dio fama como un referente del rock progresivu d'aquellos tiempos. Dempués de la "dómina Gabriel" la banda siguió como cuartetu, y Phil Collins encargóse de la voz. En 1977 el guitarrista Hackett tamién foise, quedando Genesis amenorgáu a tríu.

Como tríu grabaron los sos discos más esitosos comercialmente nos años 1980, Abacab, Genesis ya Invisible Touch, con un soníu más entornáu al pop rock, siempres con Phil Collins como "frontman" quien, de la mesma, entamó una esitosa carrera como artista solista dende 1981, compaxinándola cola so actividá en Genesis. Sicasí Collins abandona'l grupu en 1996 pa centrase na so carrera en solitariu y na so vida personal. Finalmente Rutherford y Banks contraten a un cantante llamáu Ray Wilson, con quien graben l'álbum Calling All Stations (1997), anque la carrera de Genesis ensin Collins nun tenía futuru, y la banda dexa d'esistir oficialmente en 1999.

Collins, Rutherford y Banks axuntáronse en 2007, nel marcu de la xira "Turn It On Again Tour", anque'l regresu foi momentaneu, y el futuru de la banda paez tar zarráu.

Discografía[editar | editar la fonte]

   *From Genesis to Revelation (1969)
   *Trespass (1970)
   *Nursery Cryme (1971)
   *Foxtrot (1972)
   *Selling England by the Pound (1973)
   *The Lamb Lies Down on Broadway (1974)
   *A Trick of the Tail (1976)
   *Wind & Wuthering (1976)
   *…And Then There Were Three… (1978)
   *Duke (1980)
   *Abacab (1981)
   *Genesis (1983)
   *Invisible Touch (1986)
   *We Can't Dance (1991)
   *Calling All Stations (1997)

Referencies[editar | editar la fonte]

Enllaces esternos[editar | editar la fonte]