Flax

De Uiquipedia
Saltar a: navegación, buscar
Schlechter-blitz.jpg

El Flax fotográficu ye un dispositivu qu'actúa como fonte de lluz artificial p'allumar escenes. Emplégase sobremanera cuando la lluz existente nun ye abondo pa garrar la semeya con una esposición determinada pero tien otros usos. El flax ye una fonte de lluz intensa y dura que xeneralmente abarca pocu espaciu y ye tresportable.

Hai estremaes clases de flax:

  • El flax de la llámpara qu'anguaño ta desavezáu, sobremanera porque había que reponelu tres de cada usu..
  • El flax elleutrónicu, que ye instantaniu y ha tar bien sincronizáu cola apertura del diafragma.
  • Flax estrobostópicu (elleutrónicu) o múltiple: Envede emitir un solu fexe de lluz, emite dellos. Si el suxetu ta sobro un fondu escuru y el suxetu se mueve, obtendremos una imaxen en movimientu.
  • El flax por simpatía, emplégase nos estudios fotográficos. Consiste nel emplegu de varios flaxes que furrulen por "simpatía" (en activándose ún actívense los otros).

El flax, pol so curtiu alcance ye menos util cuanto más lloñe tea'l suxetu. Los flaxes más potentes nun pasen de los 15 metros.

Los profesionales tamién empleguen otros dispositivos. Por exemplu los difusores pa suavizar la lluz dura del flax.

Otres fontes de lluz artificial[editar | editar la fonte]

Les posibilidaes de lluz artificial son mayores que les de la lluz natural na fotografía: puen controlase la intensidá, la direición, que seya intensa o oblicua, etc. Arrientes del flax la illuminación artificial pue algamase al traviés de,

  • El Spot: un dispositivu que tresmite un fexe de lluz concentrao duro y continuao (usáu xeneralmente pa resaltar una parte específica del modelu).
  • Llámpares de lluz difusa.