Felipe de Borbón

De Uiquipedia
Saltar a: navegación, buscar
Felipe de Borbón

Felipe Xuan Pablu Alfonsu de Tolos Santos de Borbón y Grecia, en castellanu Felipe Juan Pablo Alfonso de Todos los Santos de Borbón y Grecia (Madrid, 30 de xineru de 1968), ye'l tercer fíu de los reis Xuan Carlos I y Sofía de Grecia, per detrás de les sos hermanes Elena de Borbón y Cristina de Borbón. N'alcuerdu cola llexislación vixente, al ser l'únicu descendiente varón del monarca, ye l'heriede de la Corona española.

Pertién por Real Decretu dende 1977 los títulos históricos de Príncipe d'Asturies, Príncipe de Girona, Príncipe de Viana, Duque de Montblanc, Conde de Cervera y Señor de Balaguer, con orixe nel 1388, 1351, 1424, 1387, 1351 y 1413, respeutivamente. Tien tratamientu d'Alteza Real.

Recibiera formación militar na Academia Xeneral Militar de Zaragoza, la Escuela Naval Militar de Marín y l'Academia Xeneral del Aire de San Javier. Amás, cursó estudios de Derechu na Universidá Autónoma de Madrid y ye Máster en Rellaciones Internacionales de la Edmund Walsh School of Foreign Service de la Universidá de Georgetown).

Nos Xuegos Olímpicos de Barcelona en 1992 foi l'abanderáu de la seleición olímpica española, y algamó entós diploma olímpicu na estaya de vela.

En payares de 2003, asoleyó'l so compromisu matrimonial cola periodista asturiana Letizia Ortiz. El casoriu celebróse'l 22 de mayu de 2004 na catedral de Santa María la Real de la Almudena de Madrid. El 31 d'ochobre de 2005, ñació la so fía Leonor de Borbón, segunda na llinia socesoria de la Corona española. El 29 d'abril de 2007, ñació la so fía segunda, Sofía de Borbón, tercera na llinia socesoria de la Corona española.

Enllaces esternos[editar | editar la fonte]


Predecesor:
Xuan Carlos I
Coat of Arms of the Prince of Asturias.svg
Príncipe d'Asturies

1977 -
Socesor:
Nel cargu