Federación de Bosnia y Hercegovina

De Uiquipedia
Saltar a: navegación, buscar
Federacija Bosne i Hercegovine
Федерација Босне и Херцеговине
Federación de Bosnia y Hercegovina
Fbih lokacija.PNG
Llingua bosniu y croata
Capital Sarajevo
Población(2002) 2.318.972 (57,7% del total del Estáu)
Estensión 26.110 km2 (51,1% del total del Estáu)
Densidá 88.9 hb/km2
Presidente Živko Budimir;
Fusu horariu UTC +1
F bih02.png

La Federación de Bosnia y Hercegovina (Federacija Bosne i Hercegovine, Федерација Босне и Херцеговине) ye una de les dos entidaes polítiques que formen l'Estáu de Bosnia y Hercegovina, xunto a la República Serbia.

Mayoritariamente ta habitada por bosnios musulmanes (o bosnios) y bosnios croates (o croates). Por esti motivu tamién ye, popularmente, nomada como Federación Croatomusulmana; sicasí los serbios fueron declaraos el tercer greyu étnicu consitutiyente de federación nel 2001 pol Tribunal Constitucional quien, tamién, declaró lo mesmo colos bosnios y los croates na República Serbia.

Esta entidá creóse polos alcuerdos de Washington robraos el 18 de marzu de 1994, qu'entamaben un Aconceyamientu Constituyente, que se disolvió en 1996. Creóse p'abeyugar les poblaciones bosnies y croates nun territoriu llibre de los paramilitares serbios que na terrible guerra civil llevaron a términu un procesu de llimpieza étnica escontra los bosnios; asina como asegurar a esta nación una autonomía plena que-y permitiera autogobernase ensin frañir l'estáu bosniu.

Poro, anguaño, la federación tien la so propia capital, gobiernu, bandera y escudu, presidente, parllamentu, departamentu de policía, sistema postal y llinia aérea asina como exércitu (Vojska Federacije Bosne i Hercegovine), sol control del Ministeriu de Defensa de Bosnia y Hercegovina.