Eva Barro García

Eva Barro García
Vida
Nacimientu	Samartín del Rei Aurelio,
Nacionalidá	España
Estudios
Llingües falaes	castellanu
Oficiu	escritora

Eva Barro García (¿?Samartín del Rei Aurelio) ye una escritora de Samartín del Rei Aurelio (Asturies).

Biografía[editar | editar la fonte]

Nacida en Sotrondio, estudió nos colexos San José y Sagrada Familia, y nel IES Virxe de Cuadonga de Samartín del Rei Aurelio. Ye llicenciada en Ciencies Químiques pela Universidá d'Uviéu, trabaya como profesora de matemátiques y química en bachiller y ye profesora asociada na EUEFP de la Universidá Complutense de Madrid.

Obra[editar | editar la fonte]

Siempre escribió de mou priváu, ganando'l so primer premiu d'escritura siendo una neña, nun concursu entamáu pola Llibrería Sol de L'Entregu. Escribe en castellán.

Nel añu 2000 presentóse a un concursu pa profesores animada polos sos compañeros, concursu del que resultó ganadora, y dende entós tien recoyíos más de 80 premios en distintos llugares del territoriu español, siempre na modalidá de prosa, rellatu curtiu y novela.

Un álamo en otoño (2011) - Premiu de Novela Juan Valera, concedíu en Cabra (Córdoba) nel añu 2011.

Ecos de aula (2012) - nesta obra conxuga les sos dos pasiones, la enseñanza y la lliteratura.

En el tiempo manso (2013) - Premiu Internacional de Novela Alcorcón Siglo XXI

Referencies[editar | editar la fonte]

Enllaces esternos[editar | editar la fonte]