Escudu de Zimbabue

De Uiquipedia
Saltar a: navegación, buscar
Escudu de Zimbabue

L'escudu de Zimbabue foi aprobáu'l 21 de setiembre de 1981, un añu y cinco meses depués de la bandera nacional.

L'escudu de Zimbabue ta compuestu por un campu de sínople (verde) surmontáu por una franxa con quince ondes de plata (blancu o buxu) y d'azul asitiada nel xefe.

Nel campu de sínople (verde), una representación del antiguu Reinu del Gran Zimbabue de plata.

Timbra un burelete d'oru y de sínople surmontáu pol Páxaru de Zimbabue representáu d'oru. El burelete y el Páxaru de Zimbabue tán asitiaos delantre d'una estrella roxa de cinco puntes.

L'escudu ta suxetu por dos figures, tenantes o soportes, con forma de kudu y apaez colocáu delantre d'una azada, colocada en banda, y un rifle automáticu AK-47, colocáu en barra.

Na parte inferior del escudu apaecen representaos una porción de suelu, varies espigues de trigu, algodón, y una panoya de maíz. Escritu nuna cinta pue lleese'l lema nacional: Unity, Freedom, Work (”Xunidá, Llibertá, Trabayu”)

  • El color verde (campu de sínople): simboliza la fertilidá del suelu de Zimbabue.
  • L'antiguu Reinu del Gran Zimbabue : ye'l padremoñu hestóricu de la nación.
  • Les ondas azules y blanques: representen l'agua disponible en Zimbabue.
  • El burelete: ye una guirnalda compuesta por cintes de seda que simbolicen la minería y l'agricultura, pilares de la economía del país.
  • La estrella roxa: representa la esperanza nel futuru y el so color bermeyu remembra qu'ha evitase'l sufrimientu que nel pasáu soportaron los zimbabuenses.
  • El Páxaru de Zimbabue: Ye ún de los símbolos nacionales de Zimbabue, tamién s'amuesa na bandera nacional.
  • Los kudus: representen la unidá de les estremaes tribes de Zimbabue.
  • L'azada y el rifle: son los dos símbolos que celebren la transición de la guerra a la paz y la democracia.
  • La porción de suelu col trigu l'algodón y el maíz: representa la importancia de caltener siempre cubiertes les necesidaes de los zimbabuenses.
  • El lema nacional: remembra la necesidá de protexer la unidá nacional y la llibertá.