Ermu

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
L'ermu de Siloli, en Bolivia, ye una seición del ermu d'Atacama
Aspeutu del ermu marcianu, vistu pola sonda Spirit en 2004

L'ermu o desiertu ye un terrenu despoblao, ensin vexetación o con mui poco y onde hai muncha diferencia de temperatura del día a la nueche (hai variaciones d'hasta 50ºC). Nesti terrenu les precipitaciones son enforma escases.

Alternativamente, tamién se define ermu como un terrenu que nun pue dar frutu, que nun pue dar collecha, despobláu. Según esta definición, tamién son ermedales, otros climes más fríos como l'árticu o la tundra, magar que lo avezao ye rellacionar ermu con climes caldios y enllenos de sable.

Al aviesu de lo que la xente camienta sobro l'ermu o desiertu, nun suel ser too sable, l'ermu del Sáhara por exemplu, namái un 22% del terrenu ta ocupáu peles dunes y el sable, mientres que la llera y la grava representen el 68%. El 10% restantes son montes.

Tien reputación nun abellugar vida, pero eso depende de la clas d'ermu; en munchos hai vida abondo, la vexetación adáutase al pocu mugor y la fauna escuéndese pel día pa caltener esti mugor. Los ermedales representen la zona orográfica más grande del planeta: la so superficie total ye de 50 millones de quilómetros cuadraos, alrodiu d'un terciu de la superficie terrestre.

Gran parte de los ermos allúguense en zones carauterizaes poles altes presiones constantes, condición que nun favorez la lluvia. Ente los ermos d'estes zones podemos solliñar: el Sáhara y el de Kalahari n'África y los ermos d'Australia.

Climes desérticos[editar | editar la fonte]

Los ermos tan distribuyíos ente distintes zones:

  • Zones semiárides: tienen una media de precipitaciones de ente 150 y 300 mm añales. Suelen tar allugaes nos arabengos de los ermos y abarquen alrodiu del 15 % de la superficie de tierra del planeta
  • Zones árides: son precipitaciones añales de 0 a 150 mm y abarca el 16 % de la superficie de tierra del planeta
  • Zones hiperárides: son tan seques que a vegaes nun llueve n'años. Estes abarquen el 4 % de la superficie terrestre.