Emma Penella

De Uiquipedia

Emma Penella (Madrid, 2 de marzu de 1930 - 27 d'agostu de 2007), foi una actriz española de cine, teatru y televisión, hermana de les tamién actrices Elisa Montés y Terele Pávez, fía de Ramón Ruiz Alonso y nieta del compositor Manuel Penella.

Tabla de conteníos

1 Biografía
2 Obra
3 Premios

[editar] Biografía

Emma Penella entamó a trabayar como actriz na década de 1950 acompangando'l so trabayu en delles funciones teatrales con palícules nes que fuera doblada, como Los ojos dejan huella (1952), Carne de horca (1953) o Los peces rojos (1955). Cómicos (1954), empobinada por Juan Antonio Bardem, foi una esceición nesti sen.

En 1963, Luis García Berlanga apurrió-y la oportunidá d'apaecer en El verdugo. D'aquella casóse col productor Emiliano Piedra. Con él tuvo trés fíes: Emma, Lola y Emiliana.

Dende 1969 Emma espació les sos intervenciones. Fortunata y Jacinta (1970) y La Regenta (1974) son los llargos más conocíos d'esta etapa.

Finalizada la transición española, apaeció en dellos papeles de repartu baxo les órdenes de Francisco Regueiro y Carlos Saura y protagonizó películes de Eloy de la Iglesia, como La estanquera de Vallecas, convirtiéndose nuna actriz fetiche pa esti direutor y quedando asina averada a un cine de temática tresgresora.

Pente los años 80 regresó tamién al teatru, nel que desendolcó una intensa actividá. En 1991 morrió'l so home, Emiliano Piedra, pa quien recoyera un Goya Honoríficu póstumu en 1992. En 1993 despidióse del teatru con El enfermo imaginario, de Molière.

Cuando esfrutaba d'un retiru de xemes en cuando interrumpíu, (como por exemplu pala película asturiana Pídele cuentas al rey), aceptó un papel na serie de televisión Aquí no hay quien viva, col que algamó de nueves gran popularidá.

Al añu entrante dobló al castellanu la película d'animación Los increíbles (Brad Bird, 2004).

En 2007 entamó a trabayar nuna serie nueva, La que se avecina.

Emma Penella morrió'l 27 d'agostu d'esi mesmu añu a la edad de 77 años a consecuencia de la diabetes que padecía.

[editar] Obra

[editar] Filmografía

Carne de horca (Ladislao Vajda, 1953).
Cómicos (Juan Antonio Bardem, 1953).
Los peces rojos (José Antonio Nieves Conde, 1955).
Fedra (Manuel Mur Oti, 1956).
El batallón de las sombras (Manuel Mur Oti, 1956).
De espaldas a la puerta (José María Forqué, 1956).
Sentencia contra una mujer (1960).
El verdugo (Luis García Berlanga, 1963).
Fortunata y Jacinta (Angelino Fons, 1963).
La regenta (Gonzalo Suárez, 1974).
Padre nuestro (Francisco Regueiro, 1985).
El amor brujo (Carlos Saura, 1985).
La estanquera de Vallecas (Eloy de la Iglesia, 1986).
Doblones de a ocho (Andrés Linares, 1990).
Mar de luna (Manolo Matji, 1994).
Pídele cuentas al rey (José Antonio Quirós, 1999).
Los novios búlgaros (Eloy de la Iglesia, 2003).

[editar] Televisión

Estudio 1
- Sabor a miel (4 avientu 1981)
- La pechuga de la sardina (19 febreru 1982)
Juncal (1987)
El Quijote de Miguel de Cervantes (1991)
La huella del crimen 2: El crimen de Don Benito (1991)
Aquí no hay quien viva (2003–2006)
La que se avecina (2007)

[editar] Teatru (esbilla)

Los baños de Argel (1979).
Juana del amor hermoso (1983).
Frank V (1988).
La taberna de los cuatro vientos (1994).
El enfermo imaginario de Molière (1996).
¿Le gusta Schubert? (1998).

[editar] Premios

Seis Premios del Círculo de Escritores Cinematográficos en 1953, 1957, 1962, 1967, 1970 y 1996.
Premiu del Sindicato Nacional del Espectáculo (1963).
Fotogramas de Plata (1982).
Festival Internacional de Televisión Praga de Oro.
Premiu Mayte de Teatru (1995).
Medalla d'Oro al Mérito en las Bellas Artes (1997)