El capital

De Uiquipedia
Saltar a: navegación, buscar
El capital

El Capital, col títulu orixinal n'alemán Das Kapital, ye la obra mayor del filósofu y teóricu de la economía política alemana Karl Marx.

Marx dedicó más de venti años de so vida a escribir esta obra, pero nun acabó más qu'una parte: el primer llibru, asoleyáu en 1867, consagráu al desarrollu de la produción capitalista. Borradores de Marx fueron utilizaos por Friedrich Engels pa publicar los « llibros 2 y 3 », en 1885 y 1894. Los apuntes de Marx dedicaos a la historia de les doctrines económiques fueron asoleyaos pol socialista alemán Karl Kautsky na obra Les Teoríes de la plusvalía (4 vol., 1905-1910).

Foi oservando la industria británica contemporania y les sos condiciones de trabayu, sofitándose y criticando les anteriores teoríes de la economía política (tales como les de en David Ricardo o Adam Smith) que Marx pretendió demostrar la naturaleza real del capitalismu, y poner l'acentu sobre les contradiciones internes d'esi sistema.

L'autor consideraba el mesmu a la so obra como « el más temible misil que fuera llanzáu a la cabeza de la burguesía ».

Idees principales de la obra[editar | editar la fonte]

La conclusion de Marx ye que'l capitalismu ye un sistema a la vez inxustu y inestable, qu'aliena a los seres humanos, y nel que la base sobre la que se sofita ye « la esplotación de los trabayadores » baxo la forma del sistema de salariu. Per otra parte, Marx estima que'l capitalismu deberá ser reemplazáu por un modu de produción fundáu sobre la propiedá común, reemplazando'l trabayu asalariáu pol trabayu llibre y cooperativu.