El rostru impenetrable

El rostru impenetrable
Datos
Títulu orixinal	One-Eyed Jacks (en)
Xéneru	western
País d'orixe	Estaos Xuníos
Estrenu	30 marzu 1961 (Estaos Xuníos); 26 setiembre 1961 (Alemaña)
Idioma orixinal	inglés
Duración	141 min
Llugar de la narración	Méxicu
Color	en color
Ficha téunica
Direición	Marlon Brando
Producción	George Glass y Walter Seltzer
Guión	Calder Willingham ; Guy Trosper ; Rod Serling ; Sam Peckinpah
Música	Hugo Friedhofer
Fotografía	Charles Lang
Edición	Archie Marshek
Repartu	Marlon Brando, Karl Malden, Katy Jurado, Pina Pellicer, Ben Johnson, Slim Pickens, Timothy Carey, Elisha Cook, Hank Worden, Míriam Colón, Ray Teal, Rodolfo Acosta, Larry Duran, Sam Gilman, Nacho Galindo y John George
	Ver llista completa
Compañíes
Productora	Paramount Pictures
Distribuidora	Paramount Pictures, Netflix y Vudu (es)
Costu	6 000 000 $
Premios y nominaciones
Nominaciones	ver Óscar a la meyor película en color (1962);
Calificaciones
CNC	tolos públicos
FSK	FSK 12
Enllaces esternos
	Ficha n'IMDb
	Ficha en FilmAffinity

El rostru impenetrable (títulu orixinal n'inglés: One-Eyed Jacks) ye un western de 1961 fechu n'Estaos Xuníos d'América, dirixíu y protagonizáu por Marlon Brando, al que tamién acompangaba'l conocíu actor Karl Malden. Nun principiu empezó a dirixilu Stanley Kubrick, masque tres dellos meses sería despedíu por desalcuerdos con Marlon Brando, qu'acabó dirixendo la película. La actriz Rosita Moreno collaboró como asesora téunica.

Argumentu

Tres robar un bancu d'un llugarucu na llende de Méxicu, Dad Longworth (Karl Malden) decide fuxir con tol botín y abandonar al so amigu y compañeru de fechoríes, Río (Marlon Brando), a la so suerte. Arrestáu pola xusticia mexicana pasará cinco años na dura prisión de Sonora, d'onde Río llogra fugase col envís d'afayar al so vieyu collaciu y vengase pola so traición. Por embargu, planeando l'asaltu d'un bancu de Monterrei (California), topará con que'l traidor ye agora'l xérif del pueblu, que pasara toos estos años tarreciendo'l so regresu. Río quedará dafechamente namoráu de la fía de Dad, Luisa (Pina Pellicer), lo que provocará la ira del xérif.

Adautación y desarrollu

Rod Serling , yá famosu por ser el creador de la serie The Twilight Zone, escribió una adautación de la novela The Authentic Death of Hendry Jones de Charles Neider (1956), a petición del productor Frank P. Rosenberg . El llibru foi un tratamientu ficticiu de la historia de Billy the Kid, treslladáu dende Nuevu Méxicu hasta la Península de Monterrei en California. El tratamientu refugóse.

Rosenberg contrató dempués a Sam Peckinpah, que terminó'l so primer guión el 11 de payares de 1957. La Pennebaker Producciones de Marlon Brando pagara 40.000 dólares polos derechos de la novela y llueu firmó un contratu con Stanley Kubrick como direutor, pa Paramount Pictures. En 1959 Brando despidió a Peckinpah y contrató a Calder Willingham , pero él y Brando nun avanzaron, polo que tanto Willingham como Kubrick fueron despedíos. Guy Trosper convirtióse nel nuevu guionista y trabayó na historia con Brando.

La película tuvo bien poco que ver cola novela de Neider. Cuando Karl Malden contestó la pregunta sobre quién escribiera realmente la historia, dixo: "Hai una rempuesta a la so pregunta - Marlon Brando, un xeniu del nuestru tiempu"

Llanzamientu

La película presentóse'l 30 de marzu de 1961 na ciudá de Nueva York.

Crítica

Gran parte de la crítica consideró qu'El rostru impenetrable yera un megalómanu vanity film y un exerciciu narcisista del so direutor-actor. A la contra, la so receición n'Europa foi perbona, y asina en xunetu de 1961 recibió la Concha d'Oru nel Festival Internacional de Cine de San Sebastián.

Nos Estaos Xuníos, la rempuesta nun foi tan bona, y la película namás foi candidata al Óscar a la meyor fotografía: el trabayu del so artífice, Charles Lang (1902 - 1998), recibió bones crítiques.

Repartu

Personaxe	Voz n'ingés	Doblaxe al asturianu
Kid / Río	Marlon Brando	Carlos Novoa
Dad / Dave Longworth	Karl Malden	José Antonio Lobato
María Longworth	Katy Jurado	Ana Blanco Rozada
Luisa	Pina Pellicer	Ana Díaz Morán
Ayudante Lon Dedrick	Slim Pickens	Andrés Presumido
Chico Modesto	Larry Duran	Carlos Alba
Bob Amory	Ben Johnson	Alberto Rodríguez
Harvey Johnson	Sam Gilman	Silvino Torre
Award	Timothy Carey	Lluis Antón González
Pelirroxa	Miriam Colon	Olga Cuervo
Barney	Ray Teal	Eladio Sánchez
Vendedora de flores	Joan Petrone	Verónica Gutiérrez
Margarita	Mina Martínez	Marisa López Diz
Chev	John Dierkes	Samuel Gradín
Carvey	Elisha Cook jr.	Norberto Sánchez
Vieyu del corral	Joe Domínguez	Carlos González

Otros dobladores que participaron nel doblaxe son Ángel Héctor Sánchez, Fernando de Luxán, Begoña Faro, Carlos Rodríguez, Jéssica de la Paz, Alberto Álvarez, Xulián García y Mario Artidiello.

Doblaxe n'asturianu

Dobláu al asturianu por Gonzali Producciones estrenólu la Radiotelevisión del Principáu d'Asturies nuna emisión el 27 d'avientu de 2013. Hubo una reposición el 10 de mayu de 2014. Illán Gonzali dirixó y produció'l versionáu, con un repartu de más de venti actores de doblaxe.

Cultura popular

One-Eyed Jacks ye'l nome d'un burdel na serie de televisión Twin Peaks creada por David Lynch y Mark Frost .

Referencies

↑ ^1,0 ^1,1 URL de la referencia: http://www.imdb.com/title/tt0055257/. Data de consulta: 20 mayu 2016.
↑ ^2,0 ^2,1 «Internet Movie Database» (inglés). Consultáu'l 10 setiembre 2022.
↑ URL de la referencia: http://www.filmaffinity.com/es/film911449.html. Data de consulta: 20 mayu 2016.
↑ ^4,00 ^4,01 ^4,02 ^4,03 ^4,04 ^4,05 ^4,06 ^4,07 ^4,08 ^4,09 URL de la referencia: http://www.imdb.com/title/tt0055257/fullcredits. Data de consulta: 20 mayu 2016.
↑ Afirmao en: film distribution certificate database. Certificado de distribución cinematográfica: 24750.

Enllaces esternos

Ficha de El rostru impenetrable na Internet Movie Database (n'inglés)
El rostru impenetrable en TCM Movie Database (n'inglés).
El rostru impenetrable n'AllMovie (n'inglés).
El rostru impenetrable online

[c4730d9773a45adada80390ea041a6076e235acc-1] 1,0 ^1,1 URL de la referencia: http://www.imdb.com/title/tt0055257/. Data de consulta: 20 mayu 2016.

[f152aad7d67bf67db3613e5fdb9cc76324aba5f6-2] 2,0 ^2,1 «Internet Movie Database» (inglés). Consultáu'l 10 setiembre 2022.

[10dab9306296846c6f357af05920abe22fa81bfb-3] URL de la referencia: http://www.filmaffinity.com/es/film911449.html. Data de consulta: 20 mayu 2016.

[c757a50fe6d988207656129d1f45fe2cbc963dc4-4] 4,00 ^4,01 ^4,02 ^4,03 ^4,04 ^4,05 ^4,06 ^4,07 ^4,08 ^4,09 URL de la referencia: http://www.imdb.com/title/tt0055257/fullcredits. Data de consulta: 20 mayu 2016.

[c354d0393fcf29504b854d24bb3d2782ee42d937-5] Afirmao en: film distribution certificate database. Certificado de distribución cinematográfica: 24750.

[1]

[3]

[4]

[5]