Pericote
Pericote ye un baille típicu del oriente d'Asturies, concretamente de la redolada'l conceyu Llanes. Trátase d'una danza con un orixe mui vieyu, seique fora un baille de niciu guerreru o inciciáticu. El so ritmu ye binariu, y el toque de pandereta, instrumentu col que s'acompaña, amás de gaita y voz, marca un ritmu cenciellu y pegadizu.
El nome "Pericote" remanez de les coples que se cantaben y quiciabes del nomatu que-yos daben a les muyeres en Cue cuando baillaben vestíes d'homes (pericu ye una pallabra que val pa llamar a una muyer que semeya nes traces a un paisanu).
El Pericote tamién se bailla nos pueblos del occidente de Cantabria .
Variedaes del Pericote
[editar | editar la fonte]N'Asturies
[editar | editar la fonte]Variedaes nel conceyu Llanes
[editar | editar la fonte]Nel conceyu Llanes tiense conecencia de cinco variedaes, que pueden dividise ente variedaes con acompañamientu (Pericote de los bandos de San Roque y La Madalena, Pericote de Cué y Porrúa) y canciaes (Pericote del bando de La Guía, conocíu como'l pericote antiguo). Tamién distínguese ente los pericotes de los bandos (La Madalena, La Guía y San Roque; siendo'l caberu el más representáu nos pueblos) y pericotes llocales (Porrúa y Cué).