Dinastía Ptolemaica

De Uiquipedia
Saltar a: navegación, buscar
Dinastía Ptolemaica

La dinastía Ptolemaica -tamién nomada Láxida- ye la que fundó Ptoloméu I Sóter, xeneral d'Alexandru Magnu y ún de los sos diádocos, a la muerte d'ésti.

L'imperiu costruyíu pol macedoniu foi dividíu ente Antígonu, Seléucu y Ptoloméu Sóter; nesta xebra al postreru correspuénde-y Exiptu, rixendo los Ptolemaicos el país hasta l'añu 30 edC que ye cuando'l príncipe Augustu lu conquista y lu convierte en provincia de Roma.

Ptolomeu I entama la capital del so reinu n'Alexandría, la ciudá fundada por Alexandru Magnu, y desendolca n'ella l'actividá comercial y intelectual más importante de l'antigüedá.

Dende l'entamu la dinastía acueye de bon grau las tradiciones y cultura exipciana, amestando lo griego, lo macedonio y lo exipciano nuna nueva cultura que dará al pensamientu humanu una bayura de filósofos, pensadores y matemáticos.

Otra de les sos constantes foi l'enfrentamientu colos seléucides colos que compartía orixe y tamién final, yá que dambos estaos foron conquistaos pol Imperiu Romanu.

Quiciabes, el gobernante más conocíu d'esta dinastía, foi la so postrera representante Cleopatra Selene, que tuvo un fíu, Cesarión, col xeneral César como definitiva midida pa salvar el so estáu, pero esti foi asesináu por orde d'Augustu.