Diego Velázquez

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Diego Velázquez
Crystal Project colors.png
Autorretrato de Velázquez en las Meninas.jpg
Datos personales
Nacencia 5 de xunu de 1599
Sevilla (Reinu d'España)
Muerte 6 d'agostu de 1660 (61 años)
Madrid (Reinu d'España)
Ocupación Pintor
Movimientu Barrocu

Diego Rodríguez de Silva y Velázquez (Sevilla, 5 de xunu de 1599 – Madrid, 6 d'agostu de 1660), conocíu como Diego Velázquez, foi un pintor barrocu, consideráu unu de los máximos esponentes de la pintura española y maestru de la pintura universal.

Biografía[editar | editar la fonte]

Velázquez empezó la so carrera artística na so ciudá natal, Sevilla, onde desenvolvió un estilu naturalista de llume tenebrista, por influencia de Caravaggio y los sos siguidores. A los 24 años treslládase a Madrid, onde foi nomáu pintor del rei Felipe IV, y cuatro años dempués foi xubíu a pintor de cámara, el cargu más importante ente los pintores de la corte, llabor a la que dedicóse'l restu de la so vida. El so trabayu consistía en pintar semeyes del rei y de la so familia, según otros cuadros destinaos a decorar les casones reales.

La presencia na corte dexó-y estudiar la colección real de pintura que, xuntu coles enseñances del so primer viaxe a Italia, onde conoció tanto la pintura antigua como la que se faía nel so tiempu, fueron influencies determinantes pa evolucionar a un estilu de gran lluminosidá, con pincelaes rápides y sueltes. Nel so maduror, a partir de 1631, pintó d'esta forma grandes obres como "La rendición de Breda". Na so última década'l so estilu fíxose más esquemáticu y abocetado algamando un dominiu estraordinariu de la lluz; esti periodu inauguróse col "Retrato del papa Inocencio X", pintáu nel so segundu viaxe a Italia, y a él pertenecen les sos dos últimes obres maestres: "Las Meninas" y "Las hilanderas".

Catálogu[editar | editar la fonte]

El so catálogu consta d'unes 120 o 125 obres. La reconocencia como pintor universal producióse tardíamente, a mediaos del sieglu XIX. Velázquez algamó la so máxima fama ente 1880 y 1920, coincidiendo con los pintores impresionistes franceses, pa los que foi un referente.

Manet sintióse maraviáu con la so pintura y calificóle como «pintor de pintores» y «el más grande pintor qu'enxamás esistió». La parte fundamental de los sos cuadros qu'integraben la colección real caltiense nel Museo del Prado, en Madrid.

Referencies[editar | editar la fonte]

Enllaces esternos[editar | editar la fonte]