Demiurgu

De Uiquipedia
Saltar a: navegación, buscar

El Demiurgu ye'l creyador del Mundiu y autor del Universu na filosofía idealista de Platón y na mística de los neoplatónicos. Na filosofia nóstica, ye l'entidá que ensin ser necesariamente creyadora, ye impulsora del universu y ánima universal. Ye consideráu'l xefe de los "Arcontes" teniendo sabiduría llimitada y magueta. Demiurgu significa lliteralmente: maestru, artesanu; en sentíu figuráu: creyador, facedor.

Hestoria[editar | editar la fonte]

Segun los nósticos, esta entidá sedría el Dios del Vieyu Testamentu el Gehová de la Biblia y creyador de la materia. Mas el demiurgu que nel platonismu yera imperfeción, nel nosticismu tórgase en maldá. L'Universu yera pa los nósticos una gradación, dende'l más sutil (Dios) dica lu más baxu (la materia). Asicasí el demiurgu' comu creyador y ordenador del mundiu material, enviértese n'encarnación del mal, aprisionando a los homes y encadenándolos a les pasiones materiales.

L'Esprítu ye l'única parte de la divinidá que corresponde al ser humanu, lluchandu aquesti una "griesca" permanente escontra'l cuerpu y lu material, trasformando asina la tierra nel infiernu, entendiendo pol infiernu non el conceutu del Hades o del inframundiu sinón, cenciellamente, el llugar más allueñáu de Dios. Tan sólu la sophia, la sapiencia, la nosis, llega pol amor, dende lu sutil dica la tierra pa lliberar al ser humanu de la esclavitú de la materia. La salvación nun ye una cuestión de creyencia o de piedá divina, sinón que tórnase nuna revelación, sólu pusibre por aquellos que entá nun frayaron del to la poca divinidá que toos los seres humanos poseyen.

Ver tamién[editar | editar la fonte]

Enllaces esternos[editar | editar la fonte]