Cuyar

De Uiquipedia
Saltar a: navegación, buscar
Una cuyar metálica

Una cuyar, ye un tarecu de mesa común asemeyáu na forma a una espátula, y que se da un aldéu a la mano humana, nel sen de que tien un mangu, y una tiesta ancha y cóncava que semeyante a la embueza de la mano, cola que se puen coyer líquidos.

La cuyar úsase, polo xeneral pa líquidos servíos nel platu, como por exemplu, la sopa. Tán feches davezu de metal, pero tamién les hai de madera, porzolana (n'Asia) y plásticu ente otros materiales.

Según seya l'usu pal que tea diseñada, tien dellos tamaños variaos.

Cuyares na China.

Hestoria[editar | editar la fonte]

Tiénense afayaes cuyares feches de madera o de güesu en xacees que daten del Paleolíticu.

Na Roma antigua hebo dos menes de cuyar, la mayor lígula y la menor nomada coclea. Esta cabera, tenía un mangu en forma d'aguya que sirvía tamién pa pinchar trozos de comida o abrir moxones, etc. Poro, facía les veces de la nuesa forqueta. El so orixe foi la utilización de la cónxara, la cóclea, con un mangu, davezu de metal precioso.

Hasta'l sieglu XIX la cuyar yera, -sacantes el cuchiellu o la navaya- l'únicu tarecu usáu nes comides. El principal material usáu na so fabricación yera la madera.

Llueu entamóse la fabricación industrial de fierro o aceru, recubiertu d'estañu y pa la xente más adinerao, de plata. Pa los alimentos ricos n'azufre como los güevos o'l pescáu, fáense cuyares doraes, de cuernu o otros materiales que nun reaicionen con esti ingrediente alteriando'l so tastu.

Ver tamién[editar | editar la fonte]