Cueva Güerta
| Cueva Güerta | |
|---|---|
| cueva | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Teberga |
| Coordenaes | 43°07′28″N 6°03′36″W / 43.124338°N 6.059892°O |
  Cueva Güerta Cueva Güerta (Asturies) | |
 | |
Cueva Güerta ye una cueva natural del conceyu asturianu de Teberga. Ye la torca más grande d'Asturies y del noroeste de la Península Ibérica.[1] Ta incluyida nel parque natural de Les Ubiñes-La Mesa y ye Monumentu Natural dende 2002.[2][3]
Llocalización[editar | editar la fonte]
Alcuéntrase nel conceyu de Teberga, na redolada de la llocalidá de Fresnéu. La so entrada principal ta a una cota de 650 m, nel sumidoriu del ríu San Pedro.
Historia[editar | editar la fonte]
Entamó a esplorase científicamente nos años 1950. En 1974 fíxose'l primer planu de la cueva, que cuntaba con 14,5 km de galeríes. En 2018 afayáronse 5,2 nuevos quilómetros de galeríes, lo que fai un total de 19,8 km de galeríes y pozos soterraños.[1]
Fauna[editar | editar la fonte]
La cueva tien un notable interés biolóxicu, destacando la presencia iverniza d'una importante agrupación d'esperteyos de cueva (Miniopterus schreibersi, Myotis emarginatus, Rhinolophus ferrumequinum y Rhinolophus hipposideros), la más numberosa d'Asturies y una de les más importantes del noroeste de la Península Ibérica. Amás, esiste presencia de chova piquirroxa (Pyrrhocorax pyrrhocorax), esguilatorres (Tichodroma muraria) y ferre pelegrín (Falco peregrinus), y de forma más ocasional pueden vese l'alimoche común (Neophron percnopterus) y l'águila real (Aquila chrysaetos).
Referencies[editar | editar la fonte]
- ↑ 1,0 1,1 Sara Arias (12 de febreru de 2018). «Cueva Huerta, la gran sima» (castellanu). Consultáu'l 18 de febreru de 2018.
- ↑ «Monumento Natural Cueva Huerta» (castellanu).
- ↑ «BOPA Nº 212 - Jueves, 12 de setiembre de 2002».
| Control d'autoridaes |
|
|---|
Datos: Q5794109