Corbata

De Uiquipedia
Saltar a: navegación, buscar
Una corbata

La corbata (nun confundir con corvata, que ye'l nome que se-yos da a les castañes asaes con piel) ye una tira, fecha polo xeneral de seda o d'otru material que s'ata alrodiu'l cuellu, dexando cayer dambos estremos con fines estéticos.

Orixe[editar | editar la fonte]

El so nome vien del italianu, corvatta o crovatta, deriváu de "croata". L'orixe data del añu 1660, cuando los xinetes del exércitu croata usaben pañuelos de collores ataos al pescuezu.

Hai a lo menos dos clases de corbates, la llarga que ye'l tipu que más s'emplega anguaño, y la corta o "de moñu". Anguaño ye un complementu de la camisa y el traxe, y símbolu d'elegancia y formalidá nel vistir masculín nos países occidentales.

Ñudos de corbata[editar | editar la fonte]

L'atar la corbata pue da-y un aspeutu estremáu al portador por mor de les estremaes clases de ñudos. Los más conocíos son el ñudu inglés y el francés, que s'estremen ente ellos namái que pal francés hai que-y dar una vuelta más a la tela, xenerándose un ñudu más voluminosu y consideráu (polo xeneral) más elegante.

L'emplegu correutu de la corbata, requier que nunca nun pase de l'altor del cintu, que'l ñudu quede bien axustáu y pegáu al cuellu de la camisa y que la parte más delgada quede tres de la parte ancha, ensin sobrepasar el so llargor.

Hai delles maneres d'atala:

  • El ñudu simple o four in hand o francés
  • El ñudu duple simple o inglés
  • El ñudu Windsor
  • El ñudu mediu Windsor
  • El ñudu pequenu
  • El ñudu cruciáu

Diseños[editar | editar la fonte]

La corbata, el pañuelu(ascot) y la paxarina son les prendes decoratives del vestuariu masculín de les sociedaes occidentales, y valen pa da-y un toque personal al vestuariu.

Hailes d'estremaes clases, variando'l diseñu, collor, material, anchor, llargor, tipos de ñudu a usar y el preciu. En diseñu destaquen les corbates a rayes, llunares o llises.

Enllaces esternos[editar | editar la fonte]

Corbata
Wikimedia Commons tien archivos rellacionaos con: