Caterina Albert i Paradís

De Uiquipedia
Saltar a: navegación, buscar
Caterina Albert i Paradís
Victor Catala 0923.JPG
L'autora nos años 1920
Datos personales
Nacencia 11 de setiembre de 1869
L'Escala (Cataluña Flag of Catalonia.svg)
Muerte 27 de xineru de 1966 (96 años)
L'Escala (Cataluña Flag of Catalonia.svg)
Ocupación Escritora
Llábana de Caterina Albert.

Caterina Albert i Paradís, más conocida pol seudónimu Víctor Català (L'Escala, 11 de setiembre de 1869 - L'Escala, 27 de xineru de 1966), foi una escritora en catalán, conocida sobremanera pola so novela Solitud (1905).

Escribió otra novela, Un filme. 3000 metres., y munches escoyetes de cuentos: Drames rurals (1902), Caires vius (1907), Contrallums (1930) o Jubileu (1951). Tamién cultivó la poesía y el teatru, anque nunca vio representáu nengún testu dramáticu propiu.

Apaeció na escena lliteraria como Caterina Albert nos Xuegos Florales d'Olot en 1898 onde-y premiaron el poema El llibre nou y un monólogu, La Infanticida. Esti últimu monólogu causó escándalu pola temática y el tonu con que taba escritu. L'escándalu aumentó cuando'l xuráu supo que lu escribiere una muyer. De magar ehí, robló como Víctor Català. Dientro de la so obra lliteraria destaca la so obra Solitud (Soledá) que s'encuadra dientro del Modernisme catalán. Nesta obra Víctor Català reflexa al traviés del so personaxe principal femenín (Mila) la busca de la mesma invidualidá y la llucha d'esta muyer dientro de la so redolada social.

El corpus narrativu preséntase coherente y cohesionáu al traviés de diverses exes temátiques como la llocura, la violencia, el tratamientu de la redolada, el destín.

Obra lliteraria[editar | editar la fonte]

La vida lliteraria de Víctor Català podría dividise en trés etapes:

  • Modernismu
    • El cant dels mesos (1901), poemariu.
    • Llibre Blanc-Policromi-Tríptic (1905), poemariu.
    • Quatre monòlegs (1901), esbilla de monólogos.
    • Drames rurals (1902), esbilla de cuentos.
    • Ombrívoles (1904), esbilla de cuentos.
    • Solitud (1905), novela.
    • Caires Vius (1907), esbilla de cuentos.
  • Segunda etapa, dende 1907 hasta a la guerra civil
    • La Mare-Balena" (1920), esbilla de cuentos.
    • Un film (3.000 metres), (1926), novela.
    • Marines (1928), antoloxía.
    • Contrallums (1930), esbilla de cuentos.
  • Postguerra
    • Retablo (1944), esbilla de cuentos en castellanu.
    • Mosaic (1946), proses lliteraries.
    • Vida mòlta (1950), esbilla de cuentos.
    • Jubileu (1951), esbilla de cuentos.
    • Obres Completes (1951).
  • Póstuma
    • Quincalla. Mil adagis per aprendre vocabulari (2005). Tria y prólogu de Lluís Albert, revisaos y glosaos por Joaquim Armengol (Bcn: Edicions 62).

Dientro del periodu del modernismu, y tamién de tola so obra lliteraria, ha destacase la obra mentada anteriormente Solitud, la cual inxerse claramente nel modernismu catalán. La so protagonista, la Mila, ye l'exemplu d'una muyer que lluicha escontra'l so entornu social y busca la so propia individualidá. La obra foi premiada en 1909 col premiu Fastenrath y tornada a delles llingües.

Con ocasión de la so muerte, el poeta Carles Fages de Climent va dedica-y esti Brindis de rèquiem per a Caterina Albert:

Cquote1.svg Si la mort del vell no és trista

amunt el veire més alt
i vessem el vi ametista:
quan el vell és un artista
no és pas vell sinó immortal. Cquote2.svg


Bibliografía[editar | editar la fonte]

  • Jordi CASTELLANOS, Víctor Català dins RIQUER/COMAS/MOLAS, Història de la literatura catalana, vol. 8., Barcelona, Ed. Ariel S.A., 1985, ps. 579-623.
  • Jordi CASTELLANOS, Víctor Català, escriptora, dins Literatura, vides, ciutats, Universitària 6, Edicions 62, 1997, ps. 51-110.
  • Jordi CASTELLANOS, "Solitud", novel·la modernista, Els Marges,núm. 25, 1982, Barcelona, ps. 45-70.
  • DIVERSOS AUTORS,Actes de les primeres Jornades d'estudi sobre la vida i obra de Caterina Albert Paradís "Víctor Català" , L'Escala, 9-11 d'abril de 1992, a cura d'Enric Prat i Pep Vila. Ajuntament de l'Escala, PAM, Barcelona, 1993.
  • DIVERSOS AUTORS, II Jornades d'estudi Vida i obra de Caterina Albert (Víctor Català), 1869-1966,L'Escala, 20, 21 i 22 de setembre 2001. Ajuntament de l'Escala, PAM, Barcelona, 2002.
  • DIVERSOS AUTORS,Actes de les terceres jornades d'estudi sobre la vida i l'obra de Caterina Albert Paradís "Víctor Català" (en ocasió del centenari de "Solitud" 1905-2005. Edició a cura d'Enric Prat i Pep Vila, Curbet, Girona, 2006.

Enllaces esternos[editar | editar la fonte]