Castiellu-palaciu de Noreña

Castiellu-palaciu de Noreña
	Castiellu y palaciu
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Noreña
Parroquia	Noreña
Villa	Noreña

El castiellu-palaciu de Noreña foi una casa fuerte española asitiada n'esta llocalidá asturiana, capital del conceyu homónimu (Asturies).

Historia[editar | editar la fonte]

Ye probable que fuera alzáu por orde de Rodrigo Álvarez d'Asturies, figurando nel primeru de los sos testamentos. Foi heredá de los señores y condes de Noreña, pasando a manes d'Enrique de Trastámara y el so fíu bastardu Alfonso Enríquez, que moraron y abellugar nel mism odurante les sos rebeliones contra la Corona.

Les Cortes de Segovia de 1383 desaposiaron a Alfonso Enríquez de les sos posesiones asturianes ente les que taba esta plaza, venciéndo-yles a la Mitra ya Ilesia d'Uviéu como premiu al sofitu emprestáu pol arzobispu Gutierre de Toledo a la causa de Xuan I de Castiella frente al so hermanu bastardu. Volvió definitivamente a manes del obispáu tres la derrota d'Alfonso Enríquez nel cercu a Xixón de 1395.

Foi cárcel de Francisco de Santullano en 1522, y caltúvose de pies hasta bien entráu'l sieglu XIX, magar nel sieglu XVIII parte de la torre y la so muralla yá se cayeren. Anque se conoz perfectamente'l so allugamientu, nun puede determinase la so planta y muncho menos l'alzáu.

Referencies[editar | editar la fonte]

URÍA RIÚ, Juan (1959): "El Castiellu de Noreña: Noticies históriques y arqueolóxiques", en Estudios sobre la Baxa Edá Media Asturiana, pp. 49-66.