Burj Khalifa

De Uiquipedia
Saltar a: navegación, buscar

El Burj Khalifa (n'árabe: برج خليفة‎, "la torre de Khalifa", n'honor del xeque de los Emiratos Árabes Xuníos Khalifa bin Zayed Al Nahayan), nomáu Burj Dubai anantes de la so inauguración, ye un rascacielos del distritu Downtown Dubai de la ciudá de Dubai (Emiratos Árabes Xuníos) que tien el títulu de ser, colos sos 829,8 m d'altor, la estructura más alta enxamás construyida pol ser humanu.

La so construcción entamó'l 21 de setiembre de 2004, y la so estructura esterior terminose'l 1 d'ochobre de 2009. L'edificiu foi inauguráu oficialmente'l 4 de xineru de 2010, y ye parte de l'área de desarrollu urbanísticu nomada Downtown Dubai, a la vera del distritu financieru de la ciudá. El diseñu de la torre foi obra de l'estudiu d'arquitectos Skidmore, Owings y Merrill, de Chicago (EEXX); el so xefe d'arquitectos foi Adrian Smith, y l'inxenieru xefe d'estructures foi Bill Baker. La so construcción foi desendolcada pola empresa surcoreana Samsung C&T.

El Burj Khalifa comparáu con dellos de los otros edificios más altos del mundu

Marques[editar | editar la fonte]

El Burj Khalifa convirtiose nel rascacielos más grande construyíu pol home. Les marques rotes son les siguientes:

  • Edificiu más altu fasta l'azotea, marca llograda pol Taipei 101, 448 metros.
  • Edificiu más altu fasta'l tope estructural, marca algamada pol Taipei 101, 508 metros.
  • Edificiu más altu fasta l'último piso ocupado, marca llograda pol Taipei 101, 443 metros.
  • Edificiu más altu con antenes, marca algamada pola Torre Willis, 527 metros.
  • Edificiu más altu ensin fachada (en tiempo de construcción), marca establecida por el Ryugyong Hotel, 330 metros.
  • Estructura más alta sostenía ensin cables, marca algamada pola Torre CN, 553 metros.
  • Estructura más alta actual, marca algamada pola antena KVLY-TV, 628 metros.
  • Estructura más alta construyía pol home, marca llograda pola Torre de radio de Varsovia, 646 metros.
  • La sombra proyeutada por un edificiu más llarga del mundu, con una llonxitú de 2.467 metros, marca llograda pola torre Jin Mao en Shanghai, con una llonxitú de 1.117 metros.

Enllaces esternos[editar | editar la fonte]

El Burj Khalifa nel skyline de Dubai