Blackburn Olympic Football Club

De Uiquipedia
Saltar a: navegación, buscar
El plantel del Olympic de 1882.

Blackburn Olympic F.C. foi un equipu de fútbol inglés de finales del sieglu XIX con see na ciudá de Blackburn, en Lancashire. A pesar de que'l club esistió namá una década, ye bien importante na hestoria del fútbol en Inglaterra,ya que foi'l primer equipu del norte del país y el primeru de la clase trabayadora que ganó la principal competición futbolística de la nación, la Football Association Challenge Cup(conocida xeneralmente como FA Cup). La copa namá fuera ganada por equipos amateurs adineraos de los Home counties, y la victoria del Olympic marcó un puntu decisivu na transición del deporte, dende un pasatiempu de los caballeros de clase alta a un deporte profesional.

El club fundóse en 1878 y nos sos entamos namá participó en torneos locales menores. En 1880 ingresó per primer vegada na FA Cup y tres año más tarde venció al Old Etonians F.C. en Kennington Oval, ganando'l troféu. Esta victoria foi un factor importante na decisión tomada pol conseyu d'alministración deportivu, la Football Association, pa dexar el profesionalismu. Sicasí, el Olympic foi incapaz de competir colos equipos más ricos y de meyor soporte económicu de la era profesional y sumió en 1889.

Munchos de los partíos qu'el Olympic xugó de local apostáronse nel Hole-i'-th-Wall Stadium, que-y debe'l so nome a un pub cercanu. A partir de 1880, la primera equipación del Olympic consistió nuna camiseta celeste y pantalones blancos. Un xugador del club, James Ward, foi convocáu pa la selección inglesa y otros seis xugadores internacionales xugaron pa el club; ente estos atopábase Jack Hunter, el que yera l'entrenador del club cuando l'equipu ganó la FA Cup.Plantía:Link GA