Belfast

De Uiquipedia
Saltar a: navegación, buscar
Belfast
Belfast kart.png
Belfast city CoA painting.png
Escudu de Belfast
Población (2001) 276.459
Densidá (2001) 2403,99 hab/Km2
Altitú 0 m
Códigu postal BT1-BT17, BT29 (parte), BT58

Belfast (del irlandés Béal Feirste que sinifica "El váu de sable na boca del ríu") ye la capital d'Irlanda del Norte. Ye la ciudá más grande d'Irlanda del Norte y de la provincia del Ulster, y la segunda ciudá más grande na Islla d'Irlanda dempués de Dublín. Nel censu de 2001 la población endientru los llímites de la ciudá (l'área urbana de Belfast) yera de 276.459 habitantes, dimientres que 579.554 persones residíen na amplia Zona Metropolitana de Belfast. Estu convertíala na decimoquinta ciudá más grande del Reinu Xuníu, y la undécima mayor conurbación d'ese país.

Belfast

Belfast ta asitiada na costa este d'Irlanda del Norte. La ciudá ta flanqueda al noroeste por una serie de montes, incluyendo'l monte de Cavehill, que créyese qu'inspiró la novela de Jonathan Swift, Los viaxes de Gulliver. Él imaxinaba qu'ésta tenía la forma d'un xigante dormíu protexendo a la ciudá. Belfast tamién ta asitiada al oeste del Belfast Lough (Llauo Belfast) y na desembocadura del Ríu Lagan, lu que la convierte nuna llocalización idegal pa la industria de construcción naval que dalguna vegada la fixere tan famosa. Cuando'l Titanic foi construyío en Belfast en 1912, Harland and Wolff tenía'l mayor astilleru del mundiu. Siendo orixinalmente un pueblu nel Condáu d'Antrim, el conceyu de Belfast foi creyáu cuando Belfast algamó'l estatus de ciudá gracies a la reina Victoria en 1888.

Belfast sofrió lu pior del Conflictu d'Irlanda del Norte. Pesie a too, dende'l Alcuerdu de Vienres Santu en 1998, tien habío una mayor modernización na ciudá. Esisten dos aeropuertos na ciudá: l'Aeropuertu George Best de la Ciudá de Belfast averao al Belfast Lough y l'Aeropuertu Internacional de Belfast que s'atopa averao al llagu Neagh. La Universidá Queens de Belfast ye la más importante universidá na ciudá. La Universidá del Ulster tamién tien un campus na ciudá, au se concentren los estudios de les belles artes y diseñu.