Belenos

De Uiquipedia
Saltar a: navegación, buscar
Estela vadiniense. Inscrición de calter funerariu de Beleño (Asturies). Ta dedicada a Septimio Silo y presenta ente les sos figuraciones un puñal d'antenes enrriba, y el nome del difuntu Sep Sil grabáu nel interior d'un caballu.

Belenos, (tamién conocíu como Belenus, Belenos o Belanus), ye un Dios na mitoloxía celta veneráu polos astures.

Belenus o Belinus significaba brillante, rellumante y designaba a un dios de la Lluz, el Sol y el Fueu (toles enerxíes renovadores). Belenus yera'l nome tantu irlandés como galu y astur. Los romanos xunieron baxo'l nome d'Apolu a dellos dioses galos encargaos especialmente de les termes.

Conocíu polos irlandeses, el so nome pasaría a les noveles medievales. Les «Baltené» yeran una de les grandes fiestes irlandeses que se celebraben el 1 de mayu y nel que se-yos daba cultu a esta divinidá. Asocióse-y como compañera a la diosa Belisama[1].

N'Asturies el so nome quedó espeyáu na toponimia llocal. Asina, nel conceyu de Ponga[2] alcuéntrase la llocalidá de Beleño[2], y que'l so nome remanez d'esti dios celta.

Tamién se-y conoció por otros nomes como:

  • Grannios y Borno de la celtia continental
  • Balor y Beltayne de la celtia irlandesa
  • Beli y Balor de los celtes galeses
  • Bel y Belenos de los celtes de la islla de Mann
  • Bile y Belenos de los celtas escoceses

References[editar | editar la fonte]

  1. Belisama: a Gaulish and Brythonic goddess (Summer Bright)
  2. 2.0 2.1 Toponimia Asturiana, LNE, http://mas.lne.es/toponimia/index.php?leer=868&palabra=bele%F1o