Bandera de la República Surafricana

De Uiquipedia
Saltar a: navegación, buscar
Bandera de Sudáfrica
Bandera de l'Armada
Bandera de Sudáfrica (1928-1994)

El diseñu actual de la Bandera Nacional de la República Sudafricana foi adoptáu'l 27 d'abril de 1994, depués de la fin del apartheid, pa reemplazar l'anterior bandera nacional, que yera vista por munchos como símbolu del antiguu réxime más que del país, amás de l'albidru xeneral de que'l cambéu yera necesariu por mor de les sos connotaciones racistes.

Hebo un concursu públicu de diseños pa la nueva bandera; sicasí, nengún de los diseños aportaos mereció l'aprobación de la comisión encargada del diseñu de la nueva bandera. Al averase la toma de posesión de Nelson Mandela como nuevu mandatariu, adoptóse temporalmente un diseñu propuestu por Frederick G. Brownell que foi amosáu al públicu namái siete díes enantes del eventu. L'acoyida foi tan bona qu'esa bandera temporal foi oficialmente adoptada como bandera nacional na Constitución de Sudáfrica. Dada la bayura polancos que tuvo Sudáfrica na so hestoria, ye estraordinariu'l consensu que s'algamó p'afitar la nueva bandera nacional.

La bandera ta formada por dos bandes horizontales d'igual anchor en bermeyu (arriba) y azul separtaes por una banda verde central que se xebra en forma de Y horizontal. Los brazos d'esta Y finen nes esquines de la manzorga. La Y arrodia un triángulu prietu del que la Y ta separtada por estreches bandes marielles; les zones bermeya y azul tán separtaes de la banda verde y los sos brazos por dos estreches bandes blanques. La bandera de Sudáfrica yera la única bandera nacional de seis colores nel mundu, carauterística qu'agora comparte cola bandera de Sudán del Sur.