BSD

De Uiquipedia
Saltar a: navegación, buscar

BSD son las aniciales de Berkeley Software Distribution (Versión de Software Berkeley) y empléganse pa identificare un sistema operativu del sistema Unix nacíu polas aportaciones realizadas a esti sistema pola universidá [[California|californiana] de Berkeley. Nos primeiros años del Unix, los sous creyadores, los llaboratoiros Bell de la AT&T, autorizorun a la universidá de Berkeley -xunta outras- a emplegare'l códigu fonte y adautalu a las suas necesidaes. Na década de los Sesenta y los Oitenta Berkeley emplegóu'l sistema pa las suas investigaciones con sistemas operativos. Cuando AT&T retiróu'l permisu d'emplegu a la istitución californiana por motivos comerciales, ésta promoviéu la creyación d'una versión basada nel sistema Unix emplegando las suas aportaciones, y permitiendo dempués la sua distribución con fines académicos pa, posteriormente, reducire al mínumu las restricciones pa la sua copia, distribución ou modificación. Exemplos de sistemas operativos basaos ou con orixen en BSD son: SunOs, FreeBSD, NetBSD, OpenBSD y Mac OS X. Ente las súas aportaciones a la informática destacan: l'usu de memoria virtual paxinando por demanda, el control de trabayos, el Fast FileSystem, el protocolu TCP/IP y l'editore de testos vi. Tamién ye aportación de sou la llicencia que lleva'l sou nome.

Llicencia BSD[editar | editar la fonte]

Ye una llicencia de software llibre sin copyleft, simple y permisiva pero qu'incluyía la cláusula de publicidá, al final del programa debían apaecer los cambeos y los programadores. Anguaño esa cláusula nun esiste yá que contravenía l'espíritu de la llicencia GNU.