Asturias (Filipines)

De Uiquipedia
Saltar a: navegación, buscar

Asturias ye un municipiu de tercer clase allugáu na costa noroccidental de la provincia filipina de Cebú, a unos 81 km de la ciudá homónima, capital alministrativa de la islla. Ta asitiada nes siguientes coordenaes geográfiques: 10°34'N 123°43'E; y llenda: al norte, col municipiu de Tuburan, al sur col de Balamban, al este col de Danao City y al oeste col de Tañon Strait. La so población, según el censu de 2008, ye de 80.798 habitantes. Viven, mayormente, de la pesca, l'agricultura y el ganáu.

Situación d'Asturias dientro la islla de Cebú

División alministrativa[editar | editar la fonte]

Alministrativamente ta dividíu nos 27 barangayes (barrios o distritos) que vienen darréu:

  • Agbanga
  • Agtugop
  • Bago
  • Bairan
  • Banban
  • Baye
  • Bog-o
  • Kaluangan
  • Lanao
  • Langub
  • Looc Norte
  • Lunas
  • Magcalape
  • Manguiao
  • New Bago
  • Owak
  • Población
  • Saksak
  • San Isidro
  • San Roque
  • Santa Lucia
  • Santa Rita
  • Tag-amakan
  • Tagbubonga
  • Tubigagmanok
  • Tubod
  • Ubogon

Historia[editar | editar la fonte]

El nome nativu de la zona ye Naghalin, y deriva de la pallabra lalin, usada en cebuanu pa denomar a los colonos que vienen de llugares llonxanos. Los primeros ocupantes del municipiu llegaron de los conceyos vecinos y d'islles cercanes como la de Bohol. A lo primero una parte de Naghalin formaba parte del Pueblo de Tuburan, y la otra del de Balamban. La población foi medrando pol crecimientu demográficu de los yá instalaos y pola llegada de nuevos emigrantes, y los habitantes del territoriu pidiéron-y a la potencia colonial (España) que los dexara crear les sos propies instituciones llocales de gobiernu. El rei español, a finales del sieglu XVIII, aceptó, creando pa ello el Pueblo de Asturias.