Antonio López Barro

Antonio López Barro
Vida
Nacimientu	Naves, 1906
Nacionalidá	España
Muerte	Lugo, 29 d'avientu de 1936 (29/30 años)
Oficiu	funcionariu, políticu, sindicalista
Seudónimos	Ruso

Antonio López Barro (1906, Naves – 29 d'avientu de 1936, Lugo), moteyáu Ruso, foi un sindicalista y políticu asturianu.

Biografía[editar | editar la fonte]

Anque nació n'Asturies, coló de mozu a Galicia onde foi adoptáu polos dueños d'una posada n'O Saviñao conocida como "Fonda do Ruso", d'onde-y vien el so nomatu. Vivió n'Escairón y trabayó nes oficines del Conceyu d'O Saviñao. Foi secretariu de l'Agrupación Republicana d'Escairón en 1931 y aportó a fiscal municipal d'O Saviñao en xunu de 1931.^[1] Tamién foi miembru de la UXT y secretariu de l'Agrupación Socialista d'Escairón dende 1932. Por mor de la so participación na fuelga xeneral revolucionaria de 1934 foi deteníu y tuvo presu en Monforte de Lemos tres meses. Tres el golpe d'Estáu del 18 de xunetu de 1936 foi deteníu'l 29 d'esi mesmu mes. Xulgáronlu en Lugo por rebelión militar el 9 d'avientu y condergáronlu a pena de muerte. Foi executáu nos murios del cuartel de la Guardia Civil de Lugo'l 29 d'avientu de 1936.

Bibliografía[editar | editar la fonte]

Sampil Sánchez, Enrique (1999). Circular polo Saviñao. Círculo Saviñao.
Souto Blanco, María Jesús. «Morir y ser muerto. Estudio de tres casos ejemplares entre los condenados a pena capital en el primer franquismo». Semata. Ciencias Sociales y Humanidades (17): páxs. 473-499.

Referencies[editar | editar la fonte]

↑ La Voz de la Verdad, 9-6-1931, p. 1.

Enllaces esternos[editar | editar la fonte]

[1] La Voz de la Verdad, 9-6-1931, p. 1.

[1]