Anfíbol

De Uiquipedia
Saltar a: navegación, buscar
Anfíbol.

Los anfíboles son un conxuntu de minerales del grupu de los silicatos, subgrupu inosilicatos. Son metasilicatos de calciu, magnesiu y fierro.

La unidá estructural fundamental de los anfíboles ye'l tetraedru de siliciu y oxíxenu (SiO4) enllazáu en forma de llargues cadenes dobles. La fórmula química de cada mineral anfíbol ye'l resultáu de sustituciones metáliques na doble cadena: RSi4O11.

El nome de anfíbol deriva del griegu αμφιβολος - amphibolos, que significa ambiguu, n'alusión a les variedaes cambiantes, en composición y apariencia, que presenten estos minerales.

Los minerales más comunes nes roques metamórfiques y plutóniques básiques son les hornblendes y l'actinolita. Son los minerales fundamentales de les roques magmátiques, y un componente esencial de la anfibolita. Tienen color negru o verde escuru y el so aspeutu ye vítreu o llechosu.

Minerales anfíboles[editar | editar la fonte]

Estrémense ensame d'especies y variedaes, dalgunes de les más importantes son:

  • Antofilita (Mg,Fe)7Si8O22(OH)2
  • Tremolita Ca2Mg5Si8O22(OH)2
  • Actinolita Ca2(Mg,Fe)5Si8O22(OH)2
  • Cummingtonita Fe2Mg5Si8O22(OH)2
  • Grunerita Fe7Si8O22(OH)2
  • Hornblenda Ca2(Mg,Fe,Al)5(Al,Si)8O22(OH)2
  • Glaucofana Na2(Mg,Fe)3Al2Si8O22(OH)2
  • Riebeckita Na2Fe2+3Fe3+2Si8O22(OH)2
  • Arfvedsonita Na3Fe2+4Fe3+Si8O22(OH)2
  • Crocidolita Na2Fe2+3Fe3+2Si8O22(OH)2
  • Richterita Na2Ca(Mg,Fe)5Si8O22(OH)2
  • Pargasita NaCa2Mg3Fe2+Si6Al3O22(OH)2