Andradita
L'andradita ye un mineral del grupu de los silicatos, subgrupu nesosilicatos y dientru d'estos ye un granate pola típica forma isométrica de los sos cristales, con 12 ó 24 cares trapezoidales. Ye un silicatu de fierro y calciu, de color de normal amarillento con variables tonalidades.
Foi descritu per primer vegada nel 1868 en Buskerud (Noruega). Púnxose-y nome n'honor del mineraloxista brasilanu J.B. de Andrada y Silva.
Sinónimos bien poco usaos d'esti mineral yeren alocroíta y poliadelfita.
La andradita tien munches variedaes basaes nel color: la melanita ye la variedá negra, demantoide ye la variedá verde brillante, topazolita ye la variedá mariella, etc.
Ambiente de formación [editar]
Fórmase en roques calizes metamorfizaes por contactu con una cámara magmática o bien en roques de metamorfismu rexonal. Ye por tantu'l mesmu ambiente de formación que nel casu del granate de calciu y aluminiu, la grosularia. Ye típicu nestos granates formaos por metamorfismu la presencia nos sos cristales d'impurezes de roca sedimentaria xiliza.
En tolos casos, ye típicu que tenga como minerales asociaos a: les miques, clorita, diópsido y serpentina. El demantoide suel atopase acomuñáu al amiantu.
Tamién pue apaecer en roques ígnees, como ye'l casu de la melanita, qu'apaez en llaves y en sienitas.
Enllaces esternos [editar]
Wikimedia Commons acueye conteníu multimedia sobro Andradita.- Galería de semeyes d'andradita n'Interné: [1][2], [3]
