Amsterdam

De Uiquipedia
Saltar a: navegación, buscar
Amsterdam

Amsterdam o Ámsterdam[1] [ɑmstər'dɑm] na pronunciación del neerlandés) ye la capital de los Países Baxos. La ciudá alcuéntrase nes orielles del ríu Amstel. Foi fundada nel sieglu XII como un pueblu pesqueru. Anguaño ye la ciudá más poblada d'Holanda, y un gran centru financieru y cultural conocíu internacionalmente.

Tien una población que ronda los 800.000 habitantes, y na so área metropolitana viven aprosimadamente 2 millones. Amás, forma parte de la gran conurbación holandesa, llamada Randstad, (xunto a les ciudaes de L'Haya y Rotterdam), na que viven más de 6,5 millones d'habitantes.

El centru hestóricu de la ciudá fízose nel sieglu XVII, y güei tovía ye ún de los más grandes d'Europa. N'aquella dómina ficieron na ciudá una serie de canales semicirculares alredor del centru la ciudad. Dempués edificáronse les nueves cais al estilu típicu holandés. Amsterdam ye conocida coloquialmente como "La Venecia del Norte".

Magar que ye la capital del país, nunca foi sede de la xusticia, el gobiernu o'l parllamentu holandés, yá que toos estos muérganos atópense na ciudá de L'Haya, que ye la principal ciudá d'Holanda, con respeutu a política y xusticia.

Amsterdam, y toa Holanda, tien fama pola tolerancia, el lliberalismu y la diversidá de la so población.

Clima[editar | editar la fonte]

El clima d'Amsterdam ye moderáu, baxo una fuerte influyencia del Océanu Atlánticu y los vientos que d'él remanecen. L'iviernu ye fríu, pero non estremu. El branu ye calorosu, yá qu'al ser un clima llentu, la sensación de calor xorrez.

Referencies[editar | editar la fonte]

Enlaces externos[editar | editar la fonte]