Alderique:Corréu puxarra

Nun toi d'alcuerdu, debería ser el none más estendíu, Spam, sinon podíemos asturianizar coses como cederrón o similares

Hola a toos. Lo primero de too, yo nun toi falando d'asturianizar nada. Hai términos procedentes del inglés que tán ehí y nun tienen una traducción concreta y afitada, por exemplu HARDWARE, SOFTWARE, etc, y hai que los aceutar igual que lo faen otres llingües. Yo lo que digo ye que los términos que tienen otres nomenclatures más normalizaes y ya establecíes na nuesa llingua, como ye'l casu de corréu basura o corréu puxarra, teniendo esa posibilidá pamidea ye la qu'hai qu'usar. De toes maneres, nin tu nin yo somos naide pa decidir eses coses; pa eso ta l'Academia de la Llingua. Por otra parte, mira la postrer edición de la Real Academia de la Lengua Española, y verás el términu CEDERRÓN; personalmente nesti casu pienso como tu, ehí metieron la pata aceutando esa pallabra, sobre manera por nun ser una pallabra en sigo mesma, sinón un acrónimu. Pero ta ehí. ¿Tu yes de los que diz mister en cuenta d'entrenador, o tener un afer (affaire) en cuenta de tener un rollu, o fular (foulard) en cuenta de pañoletu, o orsai en cuenta de fuera de xuegu , o......? De toes maneres, abiertu queda l'alderique, y que la xente opine tocante al tema. Si la mayoría prefier spam, pues cámbiase y acabóse'l problema. Esto nun ye una dictadura. Amás yo nun borré nada, si busques pol términu spam, va redirixite al corréu puxarra. Ah, la última cosina, equí hai una sana costume que ye l'identificase, más que nada por saber quién ye'l que ta falando conmigo (simple cuestión de cortesía). Un saludu. --Esbardu 21:19, 11 xunu 2006 (UTC)

NUn se que pasó col mio mensaxe que despareció. Yo tamién pienso que'l nome más afayaizu ye'l de spam pola estensión del so usu y porque la Uiquipedia nun ye un diccionariu de la llingua asturiana. Lo mismo que hablamos de fútbol y non de balompié. Nin orsai, nin afer, nin mister son palabres d'usu tan espardíu como spam, pero tampoco tengo inconveniente nengún en que quede como ta. Jesusito 08:08, 12 xunu 2006 (UTC)

Pos yo tamién creo que ye más afayaizu spam, nun se si ye más correutu o non, pero si más estendíu (y quiciabes entre puxarra y basura quedome col caberu).--Mikel (mensaxes) 14:53, 12 xunu 2006 (UTC)

Finalmente nos Cartafueyos Normativos apaez Corréu puxarra, Spam ta ente comines y redireiciona a esta aceición. Un saludu. --Vsuarezp 20:16, 24 setiembre 2008 (UTC)