Álvaro Navia Osorio y Vigil

De Uiquipedia
Saltar a: navegación, buscar
Bustu dedicáu a Álvaro Navia Osorio nel Campo San Francisco d'Uviéu.

Álvaro José de Navia Osorio y Vigil (Veiga, Asturies, 19 d'avientu de 1684 - Orán, 21 de payares de 1732) foi'l III Marqués de Santa Cruz de Marcenado y Vizconde del Puerto. Militar, participó na Guerra de Sucesión Española y creó'l Reximientu d'Asturies. Tuvo como diplomáticu nos Congresos de Soissons y Turín tres de la Guerra de Sucesión.

Álvaro yera fíu de Juan Antonio de Navia Osorio y Argüelles de Celles y Jacinta Antonia Vigil de la Rúa. Casóse tres veces: en primer llugar con Fracisca Navia Arango, fía del so cuñáu Álvaro de Navia Arango; la segunda con María Roig Magriña; y la tercera con María Antonia Bellet.

Foi l'autor del tratáu "Reflexiones Militares", una de les obres fundamentales de la ciencia bélica. Tamién escribió la "Rapsodia Económica" (1732).

Participó na reconquista de la plaza norteafricana d'Orán y morrió na so defensa como consecuencia d'una firida nel muslu.