Xera (revista)

De Wikipedia
Saltar a navegación Saltar a la gueta
Xera (revista)
Datos
Tipu revista
Estáu Bandera d'España España
Cambiar los datos en Wikidata

Xera foi una revista d'información y debate que s'editó n'Uviéu ente los años 1981 y 1982, baxo la direición de Javier Ramos.

Como s'indica nel editorial del númberu cero, foi necesario emitir bonos que suscribieron seiscientos socios del proyeutu pa poder entamar la edición. Nos propios bonos dicíase que la revista nun «piensa ser órganu d'heterodoxos nin voceru de disidentes, sólo una publicación d'izquierdes, independiente, abierta a toos, incluida esa multiplicidá d'inquietudes, enfoques y corrientes d'opinión-aición que busquen nuevos derroteros».

Ente los miembros del Conseyu de Direición Provisional, cítense na portada del númberu cero a Paloma Uría, David Ruiz, Tini Areces, Bernardo Santaeugenia, o Juan Manuel Martínez Morala, toos ellos pertenecientes a estremaes sensibilidaes de la izquierda política asturiana.

El so últimu númberu, el 8, asoleyóse en mayu de 1982.

Ente los collaboradores habituales de la revista podemos citar al dibuxante Neto, que daba vida a la historieta que s'ufiertaba a los llectores.