Vital Aza Díaz

Vital Aza Díaz
Vida
Nacimientu	Mieres, 16 de xunu de 1890
Nacionalidá	España
Llingua materna	castellanu
Muerte	Madrid, 12 d'ochobre de 1961 (71 años)
Familia
Padre	Vital Aza
Estudios
Estudios	Universidá Central 1914) llicenciatura : medicina
Llingües falaes	castellanu
Oficiu	xinecólogu, ciruxanu, médicu
Miembru de	Real Academia Nacional de Medicina

Vital Aza Díaz (16 de xunu de 1890, Mieres – 12 d'ochobre de 1961, Madrid) foi un médicu xinecólogu asturianu.

Biografía

Yera fíu del autor dramáticu Vital Aza y tíu de Vital Aza Fernández-Nespral, unu de los fíos del so hermanu Pedro, casáu con Matilde Fernández-Nespral Aza, que foi tamién un destacáu médicu cardiólogu.^[2]

Llicencióse en Medicina en 1914, na Universidá de Madrid. Trabayó col profesor Recaséns como auxiliar de cátedra. Dende'l principiu negóse a buscar una cátedra pol so desalcuerdu col sistema d'oposición pa algamales.

En 1919 fundó'l sanatoriu priváu que llamó Santa Alicia n'alcordanza de la so primer muyer, finada mui moza na pandemia de gripe del añu anterior, especializáu en ciruxía y en xinecoloxía y obstetricia. L'edificiu d'esta clínica, asitiáu na esquina de les cais Montesa y Don Ramón de la Cruz, ye anguaño'l llamáu Centru Madrid Salú.^[3]

Foi presidente del Rotary Club en Madrid. Por esti motivu, a pesar del so activismu antialbortista enantes de la guerra civil y d'ayudar a numberosos derechiegos mientres la guerra, n'avientu de 1942 el Tribunal Especial pa la Represión de la Masonería y el Comunismu de la dictadura franquista condergólu a dolce años y un día de prisión, y l'edificiu de la so clínica foi prindáu. Trés años depués, el Conseyu de Ministros camudó esa pena pola d'imposibilidá d'aportar a emplegu públicu.^[4] Tiempu depués de salir de prisión creó otru sanatoriu, en 1947, col mesmu nome que l'anterior, Clínica Santa Alicia, asitiáu na última planta d'un edificiu enfrente del so anterior clínica.

Collaboró na mayor parte de revistes médiques españoles (El Siglo Médico, Laboratorio, La Medicina Íbera o Revista Española de Obstetricia y Ginecología, ente otres). Foi académicu de la Real Academia Nacional de Medicina.

Obres

Feminismo y sexo
La traición del dolor en la mujer
Esterilidad y tuberculosis
Obstetricia de urgencia para médicos rurales

Referencies

↑ ^1,0 ^1,1 Afirmao en: Diccionario biográfico español. Identificador DBE: 7202/vital-aza-y-diaz. Apaez como: Vital Aza y Díaz. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
↑ «Fallece Vital Aza, el cardiólogo de Franco» (castellán) (18 de xunu de 2017). Consultáu'l 26 d'ochobre de 2021.
↑ «Académicos de número» (castellán). Real Academia Nacional de Medicina. Consultáu'l 9 de febreru d 2016.
↑ Ruiz, Julius (2012). La justicia de Franco. RBA Libros, páx. 317. ISBN 978-84-9006-243-2.

Enllaces esternos

[d6853d287d828c5ca7cba832db6259e7f0bd179c-1] 1,0 ^1,1 Afirmao en: Diccionario biográfico español. Identificador DBE: 7202/vital-aza-y-diaz. Apaez como: Vital Aza y Díaz. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.

[elcomercio-2] «Fallece Vital Aza, el cardiólogo de Franco» (castellán) (18 de xunu de 2017). Consultáu'l 26 d'ochobre de 2021.

[3] «Académicos de número» (castellán). Real Academia Nacional de Medicina. Consultáu'l 9 de febreru d 2016.

[4] Ruiz, Julius (2012). La justicia de Franco. RBA Libros, páx. 317. ISBN 978-84-9006-243-2.

[1]

[2]

[3]

[4]