Vetusta

De Wikipedia
Vetusta
Alministración
Tipu d'entidá ciudá ficticia
Cambiar los datos en Wikidata
Cai de Vetusta.

Vetusta ye'l nome ficticiu de la ciudá onde se desendolca la trama de la novela de Leopoldo Alas Clarín La Rexenta (1884)[1]. Ye un reflexu nidiu de la ciudá d'Uviéu, recreada como un pequeñu universu onde l'escritor esnuda y analiza a más de cientu cincuenta personaxes[2][3].

La heroica ciudá dormía'l pigazu. El vientu sur, caliente y galbaniegu emburriaba les nubes ablancazaes que se resgaben al correr escontra'l norte. Nes cais nun había más ruiu que'l rumor estridente de los remolinos de polvu, trapos, payes y papeles, que diben de regueru en regueru, de cera en cera, d'esquina n'esquina, esnalando y escorriéndose, como caparines que se busquen y fuxen y que l'aire envolubra nes sos plegues invisibles... () ... Vetusta, la bien noble y lleal ciudá, corte n'alloñáu sieglu, faía dixestión del cocíu y de la olla podre, y folgaba oyendo ente suaños el monótonu y familiar runfíu de la campana del coru, que retumbaba a lo cimero de la elegante torre na Santa basílica.
La Rexenta, Leopoldo Alas, Clarín.

La ciudá ye una recreación lliteraria d'Uviéu, «la bien noble y lleal ciudá, corte n'alloñáu sieglu», capital del Principáu d'Asturies na que Clarín lo fizo tou menos nacer, el nome de «Vetusta» convirtióse dende'l momentu de la publicación de La Rexenta nel nome secretu, burllón ya irreverente de la ciudá asturiana. En castellán, llingua orixinal de la obra, «vetusta» quier dicir «desaxeradamente vieyu, anticuáu» y, por estensión, conservadora.

Referencies[editar | editar la fonte]

  1. Sobejano, Gonzalo (1981). «Introducción», La Regenta de Leopoldo Alas (2 vol.) (en castellán). Madrid: Castalia, páx. vol. I, 7-58. ISBN 978-84-7039-384-6.
  2. Cruz Vives, Miguel Ángel de la. «El universo filosófico de La Regenta» (castellán). Pendiente de inmigración.
  3. «Oviedo enciclopedia: La Regenta» (castellán). El Tesoro de Ovideo.

Enllaces esternos[editar | editar la fonte]