Usuariu alderique:Brenga

De Wikipedia
Saltar a navegación Saltar a la gueta

No, home, no.[editar la fonte]

...Asina non, Brenga...Ayeri vi'l rifirafe, pero güei nun pasara pel mio maxín que fore a más. Agora, cuando vi la to páxina en blancu, estrañome, y ye per ello qu'entá tengo l'enfotu que lleas esto. Mira Brenga, hai de tar perenriba d'estes coses. Como bien dixo Esbardu, na Uiquipedia, tamos pa poner lo que hai, non lo que nos prestaría. El día que nel Estatutu (qu'el que van roblar, a mín nun me representa..) apaeza lo mesmo que nel preámbulu del de Cataluña, tocante a qu'Asturies ye una nación, apuesto contigu a qu'autualizo l'artículu enantes que tú. Diba sobrame tiempu. El día que l'asturianu seya llingua cooficial, lo mesmo. Y munches otres coses. Pero lo que diz Esbardu lleva bien de razón. Lo que pase na uiqui catalana nun ye cosa nuesa.

Pue parecer importante, pero nun lo ye. Pa tí y pa mín, Asturies ye y sedrá, muncho más nación que cualesquier otra de la Península. Foi la primera, y la más antigua y tolo que nos cunta la hestoria. Pero la hestoria, güéi, diz que nun lo ye. Tampoco nun diz la hestoria qu'eso nun pueda camudar: ehí taremos pa reflexalo. Chorraes como lo de si "ye español" o nun lo ye, nun val más que pa esviar l'atención sobro lo qu'equí se fai. (Colo de Villa, taben buscándonos les cosquíes... Taben tolos datos na so ficha, quien quixera, que lo mirare. Eso féxome dexar l'artículu talo y como lu dexara Rsg, que foi el que lu entamó. Mira sin embargu, los siguientes políticos: Isidro Fernández Rozada, Graciano Antuña, Gabino de Lorenzo. Diz que son asturianos ensin más, y nun pasa ná. Sedría un bon titular pa la prensa ¿non?: "La uiqui ñega que D.V. seya español...". Taríamos poniéndo-yoslo en bandexa, cola tirria que mos tienen dalgunos.). Trabaya pa la Uiqui, y fáilo n'asturianu. Ési tendría que ser l'oxetivu. Les demás coses, dirán camudando col tiempu. Fai casu a Esbardu. --Astur 13:49, 18 xunetu 2008 (UTC)