Uníos Hermanos Proletarios
Uníos Hermanos Proletarios (UHP), ye una conseña simbolizada na alianza obrera soscrita pola Federación Socialista Asturiana, la Unión Xeneral de Trabayadores (UXT) y la Confederación Rexonal del Trabayu d'Asturies, Lleón y Palencia de la CNT, en febreru de 1934.
La conseña foi idea d'Amador Fernández, destacáu dirixente socialista. A esta alianza sumáronse al poco les dos organizaciones trotskistes esistentes: el Bloque Obreru y Campesinu y la Izquierda Comunista de Manuel Grossi. En setiembre'l PCE pidió l' ingresu n'Alianza que n'ochobre entamaría la Revolución asturiana.
La conseña adoptáronla los revolucionarios na Revolución d'Ochobre de 1934, buscando representar la unidá de aición del proletariáu asturianu y les sos diverses tendencies.
Más tarde'l lema sería una proclama avezada del nomáu bandu republicanu y los sos defensores na Guerra Civil.