Trópicu

De Wikipedia
Trópicu
paralelu
Cambiar los datos en Wikidata

Trópicu provién del llatín tropĭcus, y ésti del griegu τροπικός que significa "que xira".

La esistencia de paralelos, asina como de meridianos, vien dao pola necesidad d'allugar un puntu concretu na superficie terrestres, dándo-y les coordenaes de llatitú y llonxitú. (ex. 34º17'N, 5º38'W).

Los paralelos son les interseiciones producíes sobro la esfera terrestre por unos planos imaxinarios, paralelos ente sí, y al empar perpendiculares al exe de xiru de la Tierra. Sobre ellos mídise la llatitú, que puede pandiar ente los 90ºN y los 90ºS.

La Tierra fai el so movimientu de traslación, faciendo una órbita elíptica alrodiu del Sol;; esta órbita discuerre respeutu a un planu qu'al empar pasa pel centru del Sol. Ésti planu conozse como planu de la Eclíptica. Como l'exe de xiru de la Tierra nun ye perpendicular al planu de la eclíptica, la interseición d'esti planu cola esfera nun concasa con un planu paralelu.

La llatitú máxima a la qu'esti planu taya a la esfera terrestre ye de 23º27'N y 23º27'S; polo que los Paralelos que pasen per estes Llatitudes tienen una relevancia especial y conózseyos como Trópicu de Cáncer (nel Hemisferiu Norte) y Trópicu de Capricorniu (nel Hemisferiu Sur).

La rexón comprendida ente los dos trópicos nómasese estaya tropical; dende el puntu de vista bioxeográficu, los trópicos pueden estendese más allá de los paralelos de Cáncer y Capricorniu,

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]