Torre de Santa María (Picos d'Europa)

Torre de Santa María (Picos d'Europa)
	monte
Situación
País	España
Autonomía	Principáu d'Asturies
Cordal	Picos d'Europa
Coordenaes	43°12′N 5°00′W / 43.2°N 5°O
	Torre de Santa María (Picos d'Europa) Torre de Santa María (Picos d'Europa) (Asturies)
Datos
Altitú	2486 m

La Torre de Santa María o Torre Santa de Enol, con 2.486 metros d'altitú ye'l segundu cume n'altor del Macizu Occidental de los Picos d'Europa.

La primer ascensión conocida foi realizada'l 19 de setiembre de 1891 polos franceses Paul Labrouche y Saint Saud siguiendo la vía conocida como «El Resquiebru Rubiu» na paré sur del monte y considerada güei la vía normal p'aportar al cume, xunto cola conocida como «El Corredor del Marqués» d'asemeyada dificultá na cara norte. La vía de "El Corredor del Marqués" foi esguilada per primer vegada'l 4 d'ochobre de 1907 por Pedro Pidal y Bernaldo de Quirós, Marques de Villaviciosa y Gregorio Pérez Demaría «El Cainejo», primeros escaladores en xubir al Picu Urriellu.

La ruta d'aproximamientu normal a la vía de «El Resquiebru Rubiu» empieza nel Llagu Enol a 1080 m y sigue al traviés de Pandecarme y l'abellugu de Vegarredonda hasta llegar a la Ḥorcada de Santa María, onde se da vista al impresionante Ḥou Santu y puntu nel qu'empieza l'ascensión final. La vía ye una engatada de 120 metros de desnivel con pasos de II grau y dalgún pasu de III- aislláu. (PD Sup).

Amás de les mentaes, esisten alredor de dolce víes de dificultá variable pa xubir esti emblemáticu cume.

Dende'l visu tiense una perfeuta panorámica de los Urrieles, destacando La Torre Cerréu (2.650 metros) nel centru de los mesmos. Tamién se da vista a la pimpana cara norte de la Peña Santa, techu del Cornión colos sos 2.596 metros d'altitú.

Referencies[editar | editar la fonte]