Torna-boda

La torna-boda o tornamesa ye un vezu nupcial que se celebra, ente otres zones, n'Asturies y Llión. Consiste nel acompañamientu de la novia tiempu depués de la boda, dende la casa de so familia a la de la familia'l noviu. La novia diba tradicionalmente nun carru col so axugal. En llegando a la casa'l noviu facíase xinta y baille.

Esta tradición cambia dependiendo de la comarca o conceyu. Amás, la so forma foi camudando col pasu'l tiempu. Asina en delles zones la torna-boda ye la fiesta o cena que se fai na nueche anterior o posterior al casamientu, o incluso la cena del mesmu día de les nupcies.