Texas Rangers Division

De Uiquipedia
Saltar a: navegación, buscar
Representación d'una cuadriella de Texas Ranger hacia 1845.

La Texas Ranger Division, conocida polo xeneral como Texas Rangers, ye una policía d'ámbitu estatal con base n'Austin, capital del estáu de Texas nos Estaos Xuníos. Pente la so trayectoria tuviere tanto funciones policiales como paramilitares, al ser la principal fuerza de seguridá de la República de Texas nel periodu 1836-1845.

Los Texas Rangers foron fundaos d'un mou extraoficial por Stephen F. Austin en 1823, y formalmente constituyéronse en 1835.

Dende 1935, el cuerpu forma parte de la Texas Department of Public Safety (Estaya de seguridá ciudadana de Texas), na que desendolquen el llabor d'Oficina Estatal d'Investigación con un total de 118 efectivos en 2005.

Los Rangers tienen participao en bona parte de los fechos hestóricos más importantes del estáu de Texas, y viéronse envueltos en bien de sucesos de gran repercusión na opinión pública americana. Les referencies al so llabor n'obres lliteraries de cine, cómic o televisives enxertáronlos na mitoloxía del Oeste xabaz norteamericanu.