Telesforo Cuevas

De Wikipedia
Saltar a navegación Saltar a la gueta
Telesforo Cuevas
Vida
Nacimientu Uviéu5  de xineru de 1849
Nacionalidá Bandera d'España España
Fallecimientu

Uviéu6  de payares de 1934

(85 años)
Estudios
Llingües castellán
Oficiu
Oficiu pintor
Cambiar los datos en Wikidata

Telesforo Cuevas y García de la Mata (5  de xineru de 1849Uviéu - 6  de payares de 1934Uviéu) foi un pintor asturianu.

Biografía[editar | editar la fonte]

Pintor desigual, al que la bohemia y la miseria llevaron a la realización de munchos cuadros mal trabayaos y muncho peor remuneraos, pero al llau de los que dexó otros impecables, nos que'l paisaxe asturianu, xeneralmente de los alredores d'Uviéu y del Nalón, retrátase con xusteza de dibuxu, de lluz y de color.

Nun-y faltaron a Cuevas na so neñez nin la discreta posición económica nin la educación que recibieron los sos otros hermanos, dibuxantes y pianistes de calidá; nin-y faltó'l ciñu a la so persona y los afalagos a la so obra. Vio cómo los sos cuadros yeren calificaos de "fermosísimos"; el so gustu d'"irreprochable", la so persona d'"eminente" y de "gran pintor asturianu"; pero ningún estímulu pudo col so desorden bohemiu nos ochenta y cinco años que vivió hasta la so muerte nel Hospital Provincial d'Asturies.

Los sos dos grandes amores, l'Asturies a la que retrató en bien d'ocasiones, y la comida, que paez que-y faltó n'abondes ocasiones, son el motivu nel que s'ispiran los sos cuadros. Paisaxes y bodegones; bodegones con tou xéneru de carnes, frutes, güevos, pescaos y panes; y, naturalmente, botellones y vasos de vino.

Cuéntense, probablemente, por cientos los cuadros (buenos unos, malos otros) y los dibuxos que Cuevas dexó espardíos per Asturies. Ente los dibuxos, el más conocíu, ensin dulda, ye'l que publicó d'El Carbayón en La Ilustración Gallega y Asturiana de 10 de payares de 1879. Nel Muséu de Belles Artes d'Asturies muéstrense tres de los meyores cuadros de Cuevas: El ríu Nalón al so pasu per Les Caldes, Caserío asturiana y Bodegón de Llastres.

Referencies[editar | editar la fonte]

Enllaces esternos[editar | editar la fonte]