Taxón Elvis

Taxón Elvis ye un términu utilizáu en paleontoloxía pa designar a un grupu que foi identificáu equivocadamente como descendiente d'otru yá estinguíu, pero que realmente nun tien rellación filoxenética col grupu anterior y lo que pasó ye que seres d'otru llinaxe adquirieron una morfoloxía similar por evolución converxente, favoreciendo l'error na clasificación. Esto significa que'l taxón orixinal ta escastáu definitivamente y que'l grupu definíu incluyendo a los falsos descendientes ye polifilético. El nome Elvis alude a Elvis Presley qu'a pesar de tar muertu sigui teniendo imitadores.

En contraste un taxón lázaro ye unu que realmente sí ye descendiente d'otru más antiguu que se creía estinguíu por sumir del rexistru fósil por un tiempu. Y un taxón zombie ye un tipu de taxón Lázaro que foi datáu equivocadamente considerándose vivu nun periodu de tiempu nel que yá s'escastó.

El términu foi acuñáu por D. H. Erwin y M. L. Droser nun artículu de 1993 pa estremar a los taxones rellacionaos filoxenéticamente de los que non:

"Meyor que siguir la tradición siguida por Jablonski [en taxón lázaro], preferimos una nominación más tópica y suxerir que tales taxones sían conocíos como taxones Elvis, n'alusión a los munchos asonsañadores d'Elvis qu'apaecieron dende la muerte del Rei."^[1]

Lobothyris subgregaria, un Braquiopodo del Xurásicu ye un exemplu de taxón Elvis cuando foi clasificáu primeramente.^[2]

Ver tamién

Referencies

↑ Erwin, D.H. and Droser, M.L., 1993. Elvis taxa. Palaios, v.8, p.623-624.[1]
↑ Stephen P. Hesselbo, Jennifer C. McElwain, Mihai Popa, Finn Surlyk, Matthew Haworth. New floral, sedimentological and isotopic investigation of the Triassic–Jurassic boundary strata in Jameson Land, East Greenland. 3rd Workshop od the IGCP Project 458 Artículu (n'inglés)

[1] Erwin, D.H. and Droser, M.L., 1993. Elvis taxa. Palaios, v.8, p.623-624.[1]

[2] Stephen P. Hesselbo, Jennifer C. McElwain, Mihai Popa, Finn Surlyk, Matthew Haworth. New floral, sedimentological and isotopic investigation of the Triassic–Jurassic boundary strata in Jameson Land, East Greenland. 3rd Workshop od the IGCP Project 458 Artículu (n'inglés)

[1]

[2]